Англия Кубоги. “Манчестер Юнайтед” ишончли, “Тоттенҳэм” эса йирик ҳисобда ғалаба қозониб, кейинги босқич йўлланмасини ҳал қилди

Футбол бўйича Англия Кубогининг 4-босқичидан ўрин олган қатор ўйинлар 28 январь, шанба куни бўлиб ўтди.

“Манчестер Юнайтед” ўз майдонида “Рединг”ни қабул қилди. Учрашувнинг биринчи бўлимида жамоалар дарвозаларни ишғол эта олмади. Бироқ иккинчи бўлим голларга бой бўлди.

Дастлаб, 54-дақиқада Каземиро ҳисобни очди. Орадан 4 дақиқа ўтиб, бразилиялик футболчининг ўзи манкунианликларнинг иккинчи голига муаллифлик қилди. 65-дақиқада меҳмонлар ҳужумчиси Энди Керрол қизил карточка олиб, майдонни тарк этди. Қолган дақиқаларда “Рединг” бир киши кам бўлиб ўйнади. 66-дақиқада Фред ҳисобни йириклаштирди. 72-дақиқада эса Армаду Мбенге ҳисобни қисқартирди.

“Тоттенҳэм” “Престон” майдонида меҳмон бўлди ва 3:0 ҳисобида ғалаба қозонди. “Шпорлар” сафида Сон Ҳён Мин дубль қайд этган бўлса, Арнаут Данжума ўз ҳисобига битта гол ёздириб қўйди.

Шу тариқа “Манчестер Юнайтед” ва “Тоттенҳэм” кейинги босқич йўлланмасига эга чиқди.

Англия Кубоги

4-босқич баҳси

28 январь, шанба

“Манчестер Юнайтед” — “Рединг” 3:1

Голлар: 1:0 – 54 Каземиро, 2:0 – 58 Каземиро, 3:0 – 66 Фред, 3:1 – 72 Мбенге.

“Манчестер Юнайтед”: Де Хеа, Уан-Биссака, Магуайр, Линделеф, Маласиа, Эриксен (Фред, 57), Каземиро (Майну, 73), Бруну Фернандеш (Пелистри, 68), Вегорст (Эланга, 73), Рэшфорд (Гарначо, 68), Антони.

“Рединг”: Ламли (Бузанис, 75), Ядом, Макинтайр, Холмс, Баба, Хендрик (Крейг, 75), Инс, Лум (Форна, 62), Ҳойлетт (Мбенге, 69), Керролл, Лукаш Жоау (Лонг, 76).

Огоҳлантиришлар: Керролл (60), Маласиа (78).

Четлатиш: Керролл (65).

“Престон” — “Тоттенҳэм” 0:3

Голлар: 0:1 – 50 Сон Ҳён Мин, 0:2 – 69 Сон Ҳён Мин, 0:3 – 87 Данжума.

“Престон”: Вудмен, Хьюз, Линдси, Стори, Браун, Брейди (Альваро Фернандес, 78), Ледсон (Вудберн, 70), Уайтмен, Маккенн (Жонсон, 78), Эванс (Кросс-Адейр, 90), Кеннон.

“Тоттенҳэм”: Форстер, Доэрти (Emerson, 71), Лангле, Санчес, Танганга, Сессеньон (Данжума, 71), Бентанкур (Скипп, 71), Биссума, Перишич, Кулусевски, Сон Ҳён Мин (Ҳил, 85).

Огоҳлантиришлар: Кеннон (61).