Futbol bo‘yicha Angliya Kubogining 4-bosqichidan o‘rin olgan qator o‘yinlar 28-yanvar, shanba kuni bo‘lib o‘tdi.
“Manchester Yunayted” o‘z maydonida “Reding”ni qabul qildi. Uchrashuvning birinchi bo‘limida jamoalar darvozalarni ishg‘ol eta olmadi. Biroq ikkinchi bo‘lim gollarga boy bo‘ldi.
Dastlab, 54-daqiqada Kazemiro hisobni ochdi. Oradan 4 daqiqa o‘tib, braziliyalik futbolchining o‘zi mankunianliklarning ikkinchi goliga mualliflik qildi. 65-daqiqada mehmonlar hujumchisi Endi Kerrol qizil kartochka olib, maydonni tark etdi. Qolgan daqiqalarda “Reding” bir kishi kam bo‘lib o‘ynadi. 66-daqiqada Fred hisobni yiriklashtirdi. 72-daqiqada esa Armadu Mbenge hisobni qisqartirdi.
“Tottenhem” “Preston” maydonida mehmon bo‘ldi va 3:0 hisobida g‘alaba qozondi. “Shporlar” safida Son Hyon Min dubl qayd etgan bo‘lsa, Arnaut Danjuma o‘z hisobiga bitta gol yozdirib qo‘ydi.
Shu tariqa “Manchester Yunayted” va “Tottenhem” keyingi bosqich yo‘llanmasiga ega chiqdi.
Angliya Kubogi
4-bosqich bahsi
28-yanvar, shanba
“Manchester Yunayted” — “Reding” 3:1
Gollar: 1:0 – 54 Kazemiro, 2:0 – 58 Kazemiro, 3:0 – 66 Fred, 3:1 – 72 Mbenge.
“Manchester Yunayted”: De Xea, Uan-Bissaka, Maguayr, Lindelef, Malasia, Eriksen (Fred, 57), Kazemiro (Maynu, 73), Brunu Fernandesh (Pelistri, 68), Vegorst (Elanga, 73), Reshford (Garnacho, 68), Antoni.
“Reding”: Lamli (Buzanis, 75), Yadom, Makintayr, Xolms, Baba, Xendrik (Kreyg, 75), Ins, Lum (Forna, 62), Hoylett (Mbenge, 69), Kerroll, Lukash Joau (Long, 76).
Ogohlantirishlar: Kerroll (60), Malasia (78).
Chetlatish: Kerroll (65).
“Preston” — “Tottenhem” 0:3
Gollar: 0:1 – 50 Son Hyon Min, 0:2 – 69 Son Hyon Min, 0:3 – 87 Danjuma.
“Preston”: Vudmen, Hyuz, Lindsi, Stori, Braun, Breydi (Alvaro Fernandes, 78), Ledson (Vudbern, 70), Uaytmen, Makkenn (Jonson, 78), Evans (Kross-Adeyr, 90), Kennon.
“Tottenhem”: Forster, Doerti (Emerson, 71), Langle, Sanches, Tanganga, Sessenyon (Danjuma, 71), Bentankur (Skipp, 71), Bissuma, Perishich, Kulusevski, Son Hyon Min (Hil, 85).
Ogohlantirishlar: Kennon (61).
Izoh (0)