“Барселона” Испания Кубогининг чорак финалида “Реал Сосьедад”ни енгиб (1:0), ярим финал йўлланмасига эга чиқди.
Учрашувдаги ягона тўп 52-дақиқада Усмон Дембеле томонидан киритилди. MisterChip маълумотларига кўра, бу каталонлар учун Испания Кубогининг 121 йиллик тарихидаги 1500-гол бўлди. “Барселона” бу натижага эришган илк жамоага айланди.
“Барселона”нинг Испания Кубогидаги илк голига 1909 йилда Рома Форнс, 500-голига Ладислав Кубала (1952 йил), 1000-голига Роберто (1987) муаллиф бўлганди.
“Кўк-анорранглилар” ушбу мусобақада ғалаба қозониш бўйича ҳам рекордчи ҳисобланади. “Барселона” 31 марта кубокка эга чиққан.
Испания Кубогининг амалдаги ғолиби “Бетис” ҳисобланади. Жамоа ўтган мавсум финалда “Валенсия”ни мағлуб этиб (1:1, 5:4), совринга эга чиққанди.
Изоҳ (0)