Пергамент — қандолат қоғози 1927 йилда пайдо бўлган ва ҳозирда деярли ҳар бир уйнинг ошхонасидан уни топиш мумкин. Лекин ундан печнинг листини ҳимоя қилишдан кўра кўпроқ нарсалар учун фойдаланиш мумкин. «Новий очаг» нашри қандолат қоғозидан самарали фойдаланиш усуллари билан таништирди.
Эшик тутқичлари ва жўмракларини тоза сақлаш осон эмас. Пергамент қоғоз эса бу борада ажойиб ёрдамчи. Қоғозга мум сингдирилган, шунинг учун у билан тутқичлар артилганда, юзаларда ҳимоя қатламини қолдиради. Бундан ташқари, қоғоз зангламайдиган пўлатдан бармоқ изларини тезда олиб ташлайди.
Дазмол учун
Дазмолнинг сирти қандолат қоғози билан артилса, у матолар устида яхшироқ ҳаракатланади. Шунингдек, пергамент қоғоз юзасига туз сепиб дазмол қилиш ҳам мумкин. Аммо дазмол жуда эскирган ва таг қисми қорайган бўлса, янгисини сотиб олган яхшироқ.
Микротўлқинли печ учун
Микротўлқинли печнинг деворларига соус ва ёғлар сачрамаслиги учун идишни пергамент билан ёпиш керак. Натижада микротўлқинли печни камроқ тозалашга эришиш мумкин.
Китоблар учун
Агар тасодифан китоб ёки дарслик варақларига сув тўкилса, уларнинг орасига пергамент қўйиш тавсия этилади. Бу усул қоғоз қуриганида буришиб қолмаслигига ёрдам беради.
Раковина учун
Раковина остидаги қувурдан сув оқаётган бўлса, уни пергамент қоғози билан зич қилиб боғлаб қўйиш мумкин.
Бўёқ учун
Қоғоздан доира шакли кесилиб, бўёқ солинган идишга солинади ва қопқоқ ёпилади. Бу бўёқда қуруқ қатлам шаклланишига тўсқинлик қилади ва бўёқ сифатини ўзгаришига йўл қўймайди.
Пишлоқ учун
Харид қилинган пишлоқнинг пластик плёнкани олиб ташлаб, уни пергаментга ўраш тавсия этилади. Шунда у ўзининг таъмини яхшироқ сақлайди ва ҳаво киришига имкон беради.
Матолар учун
Табиий матоларни пергаментда сақлаш яхши, у намлик ва ёруғликни ўтказмайди.
Шкафлар учун
Замок учун
Замок ўз чизиғи бўйлаб текис ҳаракатланиши учун уни пергамент қоғоз билан ишқалаш керак.
Очқич учун
Пергамент қоғоз билан очқичнинг ичига тиқилиб қолган ёғни тозалаш жуда қулай.
Изоҳ (0)