АҚШ Марказий разведка бошқармаси раҳбари Уильям Бернс ўтган ҳафта Киевга яширинча ташриф буюрган ва Украина президенти Владимир Зеленский билан учрашган, деб ёзмоқда The Washington Post ўз манбаларига таяниб. Учрашувда Бернс «Россиянинг яқин ҳафталар ва ойлардаги ҳарбий режалари бўйича» ўз тахминларини Зеленский билан бўлишган.
WP маълумотларига кўра, Зеленский ва унинг маъмурияти АҚШ Конгрессининг Вакиллар палатаси республикачилар назоратига ўтгани муносабати билан Украина Ғарбнинг ҳарбий ёрдамига яна қанча вақт умид қилиши мумкинлигидан хавотир билдирган. Бернс қайсидир нуқтада ёрдам кўрсатиш қийинроқ бўлишини тан олди, дейди нашр манбалари.
Аммо Бернс Зеленский ва унинг ёрдамчиларини АҚШ Украинани қўллаб-қувватлашга содиқ қолгани ва декабрь ойида Конгресс томонидан Киевга маъқулланган 45 миллиард долларлик ёрдам пакети камида июль ёки августгача давом етишига ишонтирган.
Хабарда айтилишича, музокаралар чоғида Бернс «жанг майдонидаги ҳозирги лаҳзанинг муҳимлигини таъкидлаган».
Бернс ноябрь ойида ҳам Украинага келган эди. WP таъкидлашича, бундай сафарлар АҚШ МРБ раҳбарига Украина разведкасидаги «ҳамкасбларининг ишончини ошириш» ва уруш қандай кетаётганини яхшироқ тушуниш имконини беради.
Бернснинг Украинага сўнгги сафари АҚШ Киевга янги ҳарбий ёрдам эълон қилиши олдидан малаг оширилди. 20 январь куни Пентагон Киевга NASAMS зенит-ракета комплекслари ва HIMARS ёппасига ўт очувчи реактив тизимлари учун ўқ-дорилар, 59 та Bradley пиёда аскарларнинг жанговар машиналари, 90 та Stryker зирҳли машиналарини ўз ичига олган 2,5 миллиард долларлик пакет ажратишини маълум қилди.
Изоҳ (0)