AQSH Markaziy razvedka boshqarmasi rahbari Uilyam Berns o‘tgan hafta Kiyevga yashirincha tashrif buyurgan va Ukraina prezidenti Vladimir Zelenskiy bilan uchrashgan, deb yozmoqda The Washington Post o‘z manbalariga tayanib. Uchrashuvda Berns “Rossiyaning yaqin haftalar va oylardagi harbiy rejalari bo‘yicha” o‘z taxminlarini Zelenskiy bilan bo‘lishgan.
WP ma’lumotlariga ko‘ra, Zelenskiy va uning ma’muriyati AQSH Kongressining Vakillar palatasi respublikachilar nazoratiga o‘tgani munosabati bilan Ukraina G‘arbning harbiy yordamiga yana qancha vaqt umid qilishi mumkinligidan xavotir bildirgan. Berns qaysidir nuqtada yordam ko‘rsatish qiyinroq bo‘lishini tan oldi, deydi nashr manbalari.
Ammo Berns Zelenskiy va uning yordamchilarini AQSH Ukrainani qo‘llab-quvvatlashga sodiq qolgani va dekabr oyida Kongress tomonidan Kiyevga ma’qullangan 45 milliard dollarlik yordam paketi kamida iyul yoki avgustgacha davom yetishiga ishontirgan.
Xabarda aytilishicha, muzokaralar chog‘ida Berns “jang maydonidagi hozirgi lahzaning muhimligini ta’kidlagan”.
Berns noyabr oyida ham Ukrainaga kelgan edi. WP ta’kidlashicha, bunday safarlar AQSH MRB rahbariga Ukraina razvedkasidagi “hamkasblarining ishonchini oshirish” va urush qanday ketayotganini yaxshiroq tushunish imkonini beradi.
Bernsning Ukrainaga so‘nggi safari AQSH Kiyevga yangi harbiy yordam e’lon qilishi oldidan malag oshirildi. 20-yanvar kuni Pentagon Kiyevga NASAMS zenit-raketa komplekslari va HIMARS yoppasiga o‘t ochuvchi reaktiv tizimlari uchun o‘q-dorilar, 59 ta Bradley piyoda askarlarning jangovar mashinalari, 90 ta Stryker zirhli mashinalarini o‘z ichiga olgan 2,5 milliard dollarlik paket ajratishini ma’lum qildi.
Izoh (0)