Бугун,

  • USD 11095.31
  • RUB 173.84
  • EUR 10772.44

Аргентинанинг Чако провинциясида беш нафар номаълум шахс Villa Angela авиаклубидан  Cessna-206 енгил моторли самолётини олиб қочди, аммо ҳавога кўтарилгандан кейин ёнилғи таъминотини очишни унутиб, дарҳол ҳалокатга учради. Бу ҳақда ҳудуд прокурори Серхио Риос журналистларга маълум қилди.

Фото: Diario Norte

Фото: Diario Norte

«Агар учоқ шаҳарга қулаганида, фожиа бўларди. Самолётда яширин блокировка тизими мавжуд. Улар ҳавога кўтарилган пайтда бу кранни очишни унутган ва бензин тугаб қолган. Ёнилғи линияси қаерда эканини ҳамма ҳам билмайди», — дея тушунтирди Серхио.

Прокурорнинг сўзларига кўра, ҳалокатга учраган самолётнинг нархи солиқларни ҳисобга олган ҳолда 1,5 миллион доллардан сал кўпроқни ташкил этади ва уни ишлаб чиқариш эксклюзив ҳисобланади. Маълум қилинишича, самолёт эгаси — фермер Рожер Мартин.

Ҳодиса шаҳардан 5 км узоқликда содир бўлган, деб ёзади Diario Norte. Унга кўра, самолёт бўлаклари учиш-қўниш йўлагидан 7 км узоқликда топилган.

Улар билан бирга самолёт ўғриларининг жасадлари қолдиқлари топилган, аммо Pagina/12  нашри терговга яқин манбаларига таяниб хабар беришича, фақат бир кишининг жасади аниқланган. Вайроналар орасидан 9 мм калибрли тўппонча, сунъий йўлдош телефони, Парагвай валюта купюралари ва Cerro Porteño клубининг кепкаси ҳам топилган. Шундан келиб чиқиб қурбонлар Парагвайдан эканига ишонилмоқда.

Серхио Риоснинг аниқлик киритишича, жиноятчилар ангарга омбир ёрдамида кирган. Уларнинг бир қатор «жуда мураккаб» сигналларни четлаб ўтиш қобилияти, шунингдек, сунъий йўлдош телефони борлиги самолётни ўғирлаганлар наркотик картел аъзолари эканидан далолат беради, дейди прокурор. Терговчилар уларнинг шахсини видеокузатув камералари орқали аниқлашга уринмоқда.

Изоҳ
Асосий янгиликлар
Маҳаллий
Ўзбекистон ва Қирғизистон фуқаролари икки давлатга ID карта орқали ўтиши мумкин бўлади
Маҳаллий
Ҳокимият ходимларини овқатлантиришга 1,3 миллиард сўм, талабалар учун Дубайга саёҳат, “тушунмасдан” лотни ютиб қўйган тадбиркор — 27 январдаги қизиқарли тендерлар ...
Дунё
Сайфулло Соипов 2017 йил Нью-Йоркда юз берган терактда айбдор деб топилди. У ўлимга ҳукм қилиниши мумкин