Ташқи электр таъминоти ташкилотлари томонидан электрни фавқулодда узиши сабабли қудуқларнинг тўхтаб қолиши натижасида нефть йўқотишлари кунига ўртача 20 тоннани ташкил этади.
Совуқ ҳаво ҳукмронлик қила бошлаганидан бери электр энергиясининг фавқулодда узилишлари сони сезиларли даражада ошди. Насос агрегатлари билан жиҳозланган қазиб олиш қудуқларининг ишламай қолиш вақтини қисқартириш мақсадида “Saneg” нефть-газ компанияси мутахассислари бошқарув станцияларида кучланишни назорат қилувчи реле ва вақт релесини жорий қилишди. Бу ташқи манбалардаги электр энергияси узилганидан кейин ускуналарни автоматик равишда ишга тушириш ва тўхтатиш имконини беради. Агар илгари бундай вазиятларда электр узатилганидан кейин ускуналарни қўлда ишга тушириш талаб этилган бўлса, эндиликда автоматлаштирилган тизими ёрдамида насос агрегати бир дақиқа ичида ишга шай ҳолатга келади.
“Электр энергиясининг фавқулодда ўчишидан сўнг автоматик ишга туширишни таъминлаш мақсадида биз насос агрегатларининг бошқарув станцияларини электр занжирини ёпиш ва очиш учун махсус мосламалар ёрдамида қайта ишлашга қарор қилдик. Аввалига кучланиш релеси қувват манбаи тикланганидан кейин кучланиш ҳолатини текширади, кейин вақт релеси ишга тушади — бу ташқи тармоқлардаги бошланғич юкламани камайтириш мақсадида насос агрегатларини турли вақт оралиғида ишга тушириш учун зарур”, — деди Saneg бош энергетиги Дмитрий Шайдуров.
Унинг сўзларига кўра, “Полвонтош” ва “Ғарбий Полвонтош” конларида жорий этилган автоматлаштириш тизими турғунлик вақтини қисқартириш ҳамда қазиб олинадиган қудуқларни ишга тушириш ҳисобига нефть йўқотилиши ҳажмини кунига жами 15 тоннага камайтириш имконини беради.
Нефть қазиб олиш ҳажмининг шу тариқа ўсиши иккита янги қудуқнинг ишга туширилиши билан тенг бўлиб, автоматлаштириш тадбирларининг харажатлари анча паст бўлади. Saneg компаниянинг бошқа конларида ҳам нефть йўқотишларини камайтиришнинг ушбу усулини жорий этишни режалаштирмоқда.
Реклама ҳуқуқи асосида.
Изоҳ (0)