Ҳиндистоннинг дунёга машҳур актрисаларидан бири Анушка Шарма бошқа Болливуд актрисалари каби жозибали ва гўзал эмас, бироқ у самимий ва спортчи ҳисобланади. Bollywoodtime нашри армия офицерининг қизи, таниқли крикетчи Вират Коҳлининг рафиқаси, машҳур ҳинд актрисаси ҳақида маълумот берди.
У катта бюджетли блокбастерларда асосан асосий ва эпизод бўлмаган ролларни ўйнайди ва бош қаҳрамонга соя солмайди. Анушка Шарма томошабинлар соддалиги учун севадиган ёқимтой, самимий актриса.
Болливуд юлдузи Анушка Шарма 1988 йилнинг 1 майида полковник Ажай Кумар Шарма оиласида туғилган. Бу шуни англатадики, унинг болалиги «ўрта» синфдаги қиз учун мавжуд бўлмаган имкониятлар билан тўлган. Ҳиндистондаги армия турар жойи оддий ходимларникидан яхшироқ, армия мактаблари аъло даражада ва армия маданияти (ҳеч бўлмаганда офицерлар орасида) Ҳиндистоннинг қолган қисмига қараганда бироз очиқ ва ғарбийроқ бўлган.
Анушка Шарма дастлаб модель бўлишни танлади. Кўпгина актрисалар (Мадхури Дикшитдан Крити Санонгача)нинг ҳаётий ҳикоялари ўхшаб кетади — улар яхши қизлар бўлгани, коллежда ўқигани, кейин уларга моделлик ишларини таклиф қилишгани ва тасодифан шоу-бизнесга киришгани ҳақида маълумот берилган.
Бироқ Анушка бу йўлни танламаган. У коллежни ташлаб, ёлғиз ўзи Бомбейга кўчиб ўтган. Моделлик агентлиги билан шартнома имзолаган ва кўпроқ кўринадиган бўлиш учун стилини ўзгартиришга қарор қилди, актриса ўша пайтда 18 ёшда эди. У ўз олдига актриса бўлишни мақсад қилиб қўйган эди, шунинг учун у ўз юзини кўрсатиш ва пул ишлаш учун моделлик ишлари билан фаол шуғулланган.
Кейинчалик Анушка Шарма актёрлик мактабига ўқишга киради ва кастингларда иштирок этишни бошлайди. Унга «Тангри яратган жуфтлик» мелодрамаси учун экран тестини ўтказиш таклиф қилинади ва қиз бу имкониятдан фойдаланиб, фильмда рол ижро этади.
Анушка Шарма ҳайратланарли даражада кучли ва ўзига ишонади. Актриса 18 ёшида ўз ҳаётини режалаштирди ва мақсадига эришди. Биринчи кино кастингига келган Анушка экран синовига тайёргарлик кўриш учун бир кун вақт сўрайди.
Бу катта авантюра эди ва кўпчилик ўсмир қизлар таваккал қилишга журъат эта олмайди, бироқ Анушка жасур ва доно эди. У импровизация қилишдан бош тортди ва тайёргарлик кўриш учун бир кун вақт олди.
Эртаси куни у «Тангри яратган жуфтлик» мелодрамасидаги Шоҳрух Хоннинг рафиқаси ролига маъқулланди. Анушка дебют ролида мухлисларда яхши таассурот қолдирди. У ЙРФ кинокомпанияси билан учта фильм учун шартнома имзолади ва «Бекорчилар компанияси» ва «Тўй маросими» фильмларида рол ўйнади.
Шундан сўнг, актриса бир нечта роллар ижро этди, бироқ уларнинг ҳеч бири юқоридаги фильм каби муваффақиятли бўлмади. Анушка Шарма «Патиала уйи» фильмида Акшай Кумарнинг қиз дўсти ролини ўйнади. «Леди Рикки Бахлга қарши» фильмида актриса учта қаҳрамондан бирига айланди ва бу эса Ранвир Сингҳнинг кино оламидаги энг яхши вақти бўлди, ҳамма мақтовларга у сазовор бўлди.
Анушка «Токи ҳаёт эканман» фильмида ҳам иккинчи даражали қаҳрамонни ижро этди. Қаҳрамонларни фақат исмига кўра танламайдиган режиссёр Вишал Бхардвай уни «Матру, Бижли ва Мандола» фильмида суратга тушишга таклиф қилди. Бироқ, бу комедия муваффақиятсизликка учради. Кўпчилик Анушканинг катта актёрлар Панкаж Капур ва Шабана Азми билан партнёр бўлганини кўрмаган.
Шарма муваффақиятли чиқиши кафолатланган блокбастер — Амир Хоннинг «Пикей» фильмида яна бир орзусидаги ролини ижро этди. Бироқ бу фильмда ҳам танқидчилар ижро ҳақида эмас, актрисанинг париклари ҳақида кўпроқ ёзган.
Кейинчалик Анушка продюсер бўлишга қарор қилди. Дипика Падуконе, Приянка Чопра ёки Мадҳури Дикшит продюсерликни ўз зиммасига олганида, Болливудда янгиликлар кўп эди. Уларнинг пиар ходимлари материалларни жойлаштирди ва оммавий ахборот воситалари интервью олди. Анушканинг продюсерлик соҳасидаги фаолияти сир эмас эди, бироқ у образларни ижро этмаган.
Бироқ Анушканинг «Миллий трасса 10» фильмининг продюсери сифатидаги биринчи иши эътибордан четда қолмади. У ижроси учун FilmFare номинациясини олди. Кейин у қаҳрамонлар ҳақидаги катта фильмларда иккинчи даражадаги образларни ижро этишга қайтди.
Анушка Шарманинг ҳаётидаги энг катта можаро 2015 йилда юз берди, у ташқи кўриниши устида ишлай бошлади, бу борада косметологлар ва жарроҳлар мурожаат қилди. Шундан кейин танқидлар тўлқини актрисага тегди.
Ҳиндистон крикет жамоаси сардори Вират Коҳли билан ишқий муносабати туфайли Анушка Шарма яна муҳокамаларга сабаб бўлди. Анушка ва Вират 2013 йилда шампунь рекламасининг суратга олиш жараёнларида танишган. Аввалига улар ўзларининг муносабатларини яширишга ҳаракат қилди, 2014 йилда Вират романтик тарзда Анушкага бўлган севгисини тан олди.
Коҳли 2015 йилда крикет бўйича жаҳон чемпионатида ёмон ўйнади ва мухлислар бунинг учун Анушкани айблади. Актриса севгилисини ташлаб кетгани ҳақидаги миш-мишлар тарқалди, шунинг учун Вират ёмон ўйнади. Ғазабланган спортчи ўз севгилисини йўқотишда айблаган мухлисларнинг фикрини рад этди.
Вират жуда ақлли ва масъулиятли спортчи. У бутун ҳаётини крикетга бағишлади. Спортчи 19 ёшида Деҳли жамоаси учун ўйин ўтказди ва отаси вафот этган куннинг эртасига 90 очко тўплади. Учрашувдан сўнг тўғри дафн маросимига борди, у жамоани уялтириб қўйишни хоҳламади.
Бу Анушка ҳаётининг яна бир қисми. Вират жуда машҳур инсон, шунингдек, жуда бой ҳам. Анушка истаса бир-икки ишламай қолиши мумкин эди. У ўз продюсерлик уйини очиш ўрнига 9 йил олдин Виратга турмушга чиқиши мумкин эди. Бироқ у танлов қилди.
У машҳурлик ва эътирофга эришди. Бу ҳақиқатан ҳам Вират эмас, балки актрисанинг машҳурлигидир. Анушка «Султон» ёки «Нол» каби фильмларда рол ўйнаган, бу кинокартиналарда унинг қаҳрамони бош қаҳрамондан кейинги, иккинчи ўринда туради. Анушка топган пулини эса ўзи ишонган кичик лойиҳаларига сармоя киритишга сарфлайди.
Ҳақиқий Анушкани билмоқчи бўлсангиз, унинг машҳурлик ва пул учун ўйнаган ролларига қараманг. У машҳурлигини ва пулини берадиган: «Филлаури», «Пари», «Дарахт тепасидаги шарпа», «Кала» кинокартиналарини томоша қилинг.
Анушка ва Вират 2017 йилда турмуш қурди, 2021 йилнинг январь ойида уларнинг қизи Вамика дунёга келди. Актрисанинг продюсерлик уйи бир нечта лойиҳалар устида ишламоқда. Анушка Шарма иштирокидаги «Chakda Xpress» фильми кейинги йил экранга чиқиши режалаштирилган. Унда актриса крикетчи Жулана Госвами ролини ижро этади.
Мавзуга доир:
Изоҳ (0)