Фарғона вилояти Учкўприк туманида компаниянинг қарздорлиги бир қисми Hyundai Santa Fe сотувидан тушган маблағдан қопланди. Бу ҳақда Мажбурий ижро бюроси ахборот хизмати хабар берди.
Маълум бўлишича, вилоят солиқ бошқармасининг 16 октябрь кунги қарорига асосан қарздор «М.C.О» МЧЖдан 629 миллион 492 минг сўм солиқ ва бошқа мажбурий тўловларни ундириш ҳақидаги ижро ҳужжатлари бўйича қарздорга тегишли бўлган Hyundai Santa Fe хатланиб, 491 миллион сўмга баҳоланиб, аукцион савдога чиқарилган.
Автомашина 30 декабрь куни бўлиб ўтган электрон савдода 373 миллион 184 минг сўмга сотилган. Бюро депозит ҳисоб рақамига сотувдан 369 миллион 452 минг сўм тўлов тўлиқ амалга оширилгани сабабли автомашина 7 январь куни аукцион ғолиби Т.Т.га топширилган, 9 январда сотувдан тушган маблағ 339 миллион 896 минг сўми солиқ ва бошқа мажбурий тўловлар учун, 29 миллион 556 минг сўм ижро йиғими учун ўтказилган.
Изоҳ (0)