Farg‘ona viloyati Uchko‘prik tumanida kompaniyaning qarzdorligi bir qismi Hyundai Santa Fe sotuvidan tushgan mablag‘dan qoplandi. Bu haqda Majburiy ijro byurosi axborot xizmati xabar berdi.
Ma’lum bo‘lishicha, viloyat soliq boshqarmasining 16 oktabr kungi qaroriga asosan qarzdor “M.C.O” MCHJdan 629 million 492 ming so‘m soliq va boshqa majburiy to‘lovlarni undirish haqidagi ijro hujjatlari bo‘yicha qarzdorga tegishli bo‘lgan Hyundai Santa Fe xatlanib, 491 million so‘mga baholanib, auksion savdoga chiqarilgan.
Avtomashina 30-dekabr kuni bo‘lib o‘tgan elektron savdoda 373 million 184 ming so‘mga sotilgan. Byuro depozit hisob raqamiga sotuvdan 369 million 452 ming so‘m to‘lov to‘liq amalga oshirilgani sababli avtomashina 7-yanvar kuni auksion g‘olibi T.T.ga topshirilgan, 9-yanvarda sotuvdan tushgan mablag‘ 339 million 896 ming so‘mi soliq va boshqa majburiy to‘lovlar uchun, 29 million 556 ming so‘m ijro yig‘imi uchun o‘tkazilgan.
Izoh (0)