Бугун,

  • USD 11095.31
  • RUB 173.84
  • EUR 10772.44

АҚШ президенти Жо Байден мамлакат жануби-шарқидаги Жоржия штатида бўрон ва торнадо туфайли табиий офатлар режимини эълон қилди. Бу ҳақда Оқ уй сайтида хабар берилди.

Фото: Reuters

Фото: Reuters

«АҚШ президенти Жо Байден Жоржия штатида кенг кўламли табиий офат режимини эълон қилди ҳамда кучли бўронлар, шамол ва торнадолардан зарар кўрган ҳудудларда маҳаллий ва штат даржасидаги тиклаш ишларини амалга ошириш учун федерал ёрдам кўрсатишни буюрди», — дейилади хабарда.

Режим 12 январдаги табиий офатдан жабр кўрган Бутц, Генри, Жаспер, Мериуэзер, Нютон, Сполдинг ва Троп округларида амал қилади. Ёрдам вақтинчалик бошпана бериш ва уй-жойларни таъмирлаш учун грантлар, суғурта қилинмаган мулклардаги йўқотишларни қоплаш учун арзон кредитлар ажратиш ва бошқа чораларни ўз ичига олади. Давлат ёрдамидан якка тартибдаги корхоналар ҳам, жисмоний шахслар ҳам фойдаланиши мумкинлиги айтилмоқда.

12 январь куни Американинг жанубий штатларида торнадо ва бўронлар кузатилди. Биргина Алабама штатида етти киши ҳалок бўлди, деб ёзади The New York Times. Жоржияда беш ёшли болакай ҳалок бўлди: у кетаётган машина устига дарахт қулаб тушган. CNN тўққиз киши ҳалок бўлганини хабар қилди.

Довул 13 январь куни эрталаб тўхтади, бироқ Алабама ва Жоржия штатларининг минглаб аҳолиси электрсиз қолмоқда, деб ёзади газета. Торнадо бошқа қўшни штатларга, жумладан Теннесси, Кентукки ва Жанубий Каролина штатларига ҳам таъсир кўрсатди. CNN маълумотларига кўра, Жоржия штатининг Спалдинг округидан ўтган торнадо тезлиги соатига 178 километрга етган. Худди шу ҳудуддаги яна бир гирдобнинг тезлиги, Миллий метеорология хизмати мутахассисларининг фикрига кўра, соатига 218—265 километрга чиққан.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
“Ўтган йил давомида ички ишлар ходимлари билан боғлиқ 644 та салбий видео тарқалган” — Шоҳрух Ғиёсов