Қишда пойабзал сирпанмаслиги учун нима қилиш керак: 10 та синалган усул

Пойабзал тагчарми сирпанмаслиги учун махсус восита ва усуллар бор.

Наклейкалар

Сирпанишга қарши наклейкалар учун ишлатиладиган материал полиуретандир. Бундай ажойиб нарса пойабзал дўконларида ўлчамни ҳисобга олган ҳолда сотилади. Елимлашдан олдин тагликни яхшилаб тозалаш керак. Улардан бир ойдан бир неча ойгача фойдаланиш мумкин.

Музтиргак

Сирпанишнинг олдини олиш учун ушбу дизайн ботинкаларга, ҳар қандай ўлчамдаги этикларга бириктирилади. Музтиргак каучукдан ясалган бўлиб, у пўлатдан ясалган тишларга эга. Пойабзалларга маҳкамланганда улар тагликда деярли кўринмайди. Улар 40 даражагача совуққа чидамли, ҳам болалар, ҳам катталар учун мос, аёллар сумкачасига осонгина жойлашади. Бундан ташқари, бир неча фасл учун ишлатилиши мумкин. Ноқулай томони, бино ичида ҳаракатланиш учун мосланмаган — ламинат, линолеумга зарар етказиши мумкин ва плиталар устида юрганда баланд овоз чиқаради.

Лейкопластир

Хавфсиз усул, тагликка зарар етказмайди. лейкопластир Х шаклида кўндаланг ёпиштирилади. Аммо бу бир марталик ишлатиш учун, у узоққа чидамайди — бир неча соатгина фойдаланиш мумкин.

Қумли елим

Силлиқ таглик қум билан қопланса, сирпанмайдиган бўлиши мумкин. Бунинг учун сирт алкоголли суюқлик билан артилади, кейин елим қўлланади, қум сепилади. ПВА елимидан фойдаланиш мумкин, аммо «Момент» энг яхшисидир.

Кигиз

Кигиз ишқаланиш кучини оширадиган жунли материалдир. Ушбу қоплама қишки пойабзалларнинг барқарорлигини таъминлайди. Бутун юзага ёпиштириш шарт эмас, товон ва оёқ бармоқлари учун бир нечта бўлак етарли. Момент, ПВА ёпиштирувчи асос сифатида мос келади. Совуқда уни бир ойгача ишлатиш мумкин, намгарчиликда бир ҳафтадан ошмайди.

Қумқоғоз

Ушбу материал яхши абразив хусусиятларга эга, бу ишқаланиш кучини оширади. Қумқоғоз бўлакларини товон ва олд томонга ёпиштиринг. Қоғоз 2-3 ҳафта хизмат қилади.

Капрон пайпоқ

Сирпанишга қарши ғайриоддий усул — кераксиз капрон колготка керак бўлади. Материални ёндириб, томчилатиб тагликка ёпиштириш керак. Бу узоқ хизмат қилиш муддатига эга бўлган сунъий ҳимоя бўлади. Аммо дастлаб бундай пойабзалда юриш бироз ноқулай.

Сувга қарши воситалар

Нам сирт музда кучлироқ сирпанади, шунинг учун унга намликни қайтарувчи маҳсулот билан ишлов бериш мумкин. Ҳар сафар ташқарига чиқишдан олдин қуруқ пойабзалларга спрей пурканг.

Скотч

Лейкопластир каби скотч ҳам сирпанишга қарши восита ҳисобланади. Аммо пойабзални ҳимоя қилиш бир ҳафтадан ошмайди. Оддий ёки икки томонлама скотчни ишлатмаган маъқул — улар силлиқ юзага эга.

Бўёқ

Болалар тўпламларида махсус бўёқлар мавжуд бўлиб, улар қўллангандан сўнг уч ўлчамли нақш ҳосил қилади. Сиз бу жараёнга болани жалб қилишингиз мумкин, унинг пойабзалларига шу тарзда ишлов беришингиз мумкин. Тагчарм бузилмайди, чунки нақш осонгина ювилади.

Фойда бермайдиган халқона усуллар

Баъзи халқона усуллар нафақат фойдасиз, балки оддий йўлларда юриш учун ҳам хавфли бўлиши мумкин. Мисол учун, хом картошкани суртиш, соч лакини пуркаш, қирғичдан фойдаланиш. Агар пойабзални картошка билан ишқаласангиз, таглик янада сирғалиб кетади ва крахмалдан оқ доғлар қолади, лак ҳам ёрдам бермайди ва қирғич эса тагчармни бузиши, пойабзални яроқсиз ҳолга келтириши мумкин.

Совуқ ҳавода қандай пойабзал киймаслик керак?

Қиш учун баланд ва ингичка пошнали, силлиқ тагликли, учи учли оёқ кийимларни харид қилманг. Таглик материали: полиуретан, каучук, термопластик эластомер бўлгани яхши. Силлиқ юзада сирпаниш даражасини текшириш учун пойабзалда керамик плиткалар устида юриш тавсия этилади.

Мавзуга доир:

• Ҳар бир аёлни озғин кўрсатишга ёрдам берадиган 6 та қишки кийим
• Тўйиб овқатланинг, қалин шарф ўранг, қават-қават кийининг — изғиринда танани иссиқ тутиш бўйича лайфхаклар