Африкалик собиқ футболчи ўз итлари ҳужумига учраб, вафот этди

Замбия терма жамоаси собиқ футболчиси Филемон Мулала ўз итларининг қурбонига айланди. Бу ҳақда BBC’га таяниб, «Спорт-Экспресс» хабар қилмоқда.

60 ёшли Мулаланинг жасади 7 январь куни Лихтенбургдаги (ЖАР) ҳовлисининг боғидан топилган. Унинг турмуш ўртоғи Филемонни жонсиз ҳолатда кўрганидан кейин тез ёрдамга қўнғироқ қилган, шифокорлар Мулала воқеа жойида вафот этганини қайд этган.

Полиция маълумотларига кўра, Мулала ўз итларининг етказган жароҳати оқибати вафот этган. Жониворлар махсус муассасаларга юборилган. Аёл дастлаб итларнинг ҳуришига эътибор қаратмаган, сабаби уларнинг уйи гавжум кўчада жойлашган бўлиб, итларнинг овоз чиқариши одатий ҳолга айланган.

Қайд этилишича, итлар тажовузкор зотга мансуб бўлган — питбултерер ва стаффордшир терер.

Мулала Замбия терма жамоаси сафида олтита ўйин ўтказган ва учта голга муаллиф бўлган. У ўз мамлакати ва ЖАР клубларида фаолият олиб борган.