«Кеч гуллаган гул» — бу тўлиқ Болливуд актрисаси Видя Баланнинг ҳаёти ва карьерасига тегишли. Актриса 16 ёшида кино оламдаги фаолиятини бошлади, бироқ 30 ёшидан кейин машҳурликка эришди. Кўплаб актрисалар кинони тарк этганида ёки қаҳрамонларининг феъл-атворига мослашганда, у ҳаётидаги ажойиб, кўп қиррали ва ёрқин ролларни ижро этди.
У мантиқ, тарих ва меъёрларга қарши бориб, томошабинлар ва танқидчиларнинг қалбини забт этди, шу билан бирга, Болливуддаги кўп қиррали ва истеъдодли актрисалардан бирига айланди.
Видя муваффақиятга эришишдан олдин узоқ йўлни босиб ўтди. У 1979 йилнинг 1 январида Ҳиндистоннинг Бомбей шаҳрида (замонавий Мумбай) туғилган, унинг отаси Балан Тамилдан Бомбейга иш сабабли кўчиб ўтди. Актрисанинг онаси Сарасвати Кераладан, шунинг учун оилада тамил ва малаялам тилларида тенг сўзлашилади.
Видянинг Прия исмли опаси бор ва унинг амакиваччаси Приямани таниқли жанубий ҳинд актрисаси ҳисобланади.
Видя ўрта мактабда ўқиб юрган пайтида Ҳиндистондаги биринчи сунъий йўлдоши ситкомида, ёш ва тажрибасиз Экта Капур томонидан суратга олинган «Беш кишимиз» лойиҳасида рол ўйнаган. Экта отаси, актёр Житендра Эктани телевизион продюсерликда ўзини синаб кўришга рухсат берганида, у атиги 19 ёшда бўлган.
Уларнинг кичик офислари бор эди ва кам маблағ кетадиган суратга олиш ишлари ва сунъий йўлдош телевидениесида сотилиши мумкин бўлган кам бюджетли сериаллар учун ғояларни қидира бошлади. Беш опа-сингил ўсган оила ҳақидаги «Беш кишимиз» кулгили сериалининг тарихи шундай пайдо бўлди. Суратга олиш ишларини олиб бориш учун деярли маблағ йўқ эди, шунинг учун Экта ўз ишлари учун жуда кам маблағ талаб қиладиган янги актрисаларни қидирди.
Видянинг отаси кабел телевидениеси компаниясининг раҳбари эди. Кастингдан хабар топгач, у қизининг фильмда суратга тушишини таклиф қилди. Кейин ҳеч ким бу янги сунъий йўлдош телевидениеси ҳақиқатан ҳам машҳур бўлиб, жуда кўп маблағ олиб келишини ўйламаган эди. «Беш кишимиз» фильми ҳақиқатан ҳам хит даражасига чиқди.
Видя ситкомнинг биринчи мавсумида, 1995 йилдан 1999 йилгача суратга тушган. Лойиҳа тугаши билан унга дарҳол бошқа сериалларда иштирок этиш таклиф қилинди, бироқ актрида уларни ишонч билан рад этди, чунки у катта лойиҳаларда иштирок этиб машҳур актриса бўлишни хоҳлади.
Бу эса унинг кинокарьерасида жиддий иш бермади. Актрисага 2000 йилда, сериал тугаганидан сўнг, Маммути билан партнёрликдаги «Чакрам» номли малаялам тилида суратга олиниши керак бўлган фильмдан бош ролни таклиф қилишди. Бу унинг учун мукаммал дебют бўлиши ва катта машҳурлик олиб келиши керак эди.
«Беш кишимиз» сериалининг актрисаларидан бири малаялам кино саноатида машҳурлик излаётгани (ёдда тутинг, малаялам тили Видянинг она тили ҳисобланади) ҳақидаги хабарлар аллақачон матбуотда пайдо бўла бошлаган эди. Актрисага яна ўнлаб фильмлардан таклиф тушди.
Кейинчалик Маммуттининг фильми маблағни йўқотди. Актрисанинг мухлислари бу Видянинг айби эканига амин эди, у «ланъатланган» деб эълон қилинди ва Болливуддан ҳайдалди.
У катта бюджетли фильмда Мадҳаван билан бирга рол ўйнаб, тамил тилидаги фильмларда суратга туша бошлади. Бироқ суратга олиш жараёнларининг ўртасида уни ишдан бўшатишди ва ўрнига бошқа актрисани олишди.
Учинчи тамил тилидаги фильмда у яна суратга олиш ишларининг ўртасида Триша исмли актриса билан алмаштирилди. Муваффақиятсизликдан чарчаган Видя малаялам кино оламига қайтиб келди ва ҳеч қачон чиқарилмаган кам бюджетли фильмда рол ўйнади. Шу билан бирга, унинг ўзидан 5 ёш кичик бўлган амакиваччаси Приямани аллақачон телугу ва тамил тилидаги кино саноатида яхши натижага эришган эди.
Унинг биринчи суратга тушган сериалидаги ҳамкасблари ўзларининг теледастурларини олиб боришар эди ва Бомбей кино саноатида ўсмир моделлар фильмларда бош ролларни ижро этаётган эди, «кекса» 22 ёшли Видя эса 6 йиллик актёрлик тажрибасига бўлса-да, ортда қолди.
Видя ўз карьерасини қуришда давом этди. У реклама роликларида ва мусиқий видеоларда рол ўйнади. Кейинроқ актриса бенгал тилидаги лойиҳада суратга тушди ва томошабинларни ўзига жалб этди.
Актрисанинг образларини бироз қайта кўриб чиққан Видҳу Винод Чопра Видяни «Турмушга чиққан аёл» романи асосида суратга олиниши керак бўлган фильмга таклиф қилди. Бу актрисанинг танқидчиларнинг олқишига ва FilmFare мукофотига сазовор бўлган ажойиб роли эди.
Бироқ «Турмушга чиққан аёл» фильми чиққанидан кейин Видя яна қоқила бошлади. Шундан кейин продюсерлар нима қилишни билмади. У эпизодик ролларда яхши натижага эришди, фильмларда унга ноанъанавий қаҳрамон бўлишга рухсат берилди (масалан, «Гуру» лойиҳасидаги ногирон ёки «Эклавя» фильмидаги содиқ хизматкор роли), бироқ актриса асосий қаҳрамонларнинг ролларини унутилмас тарзда ижро этди.
Бу пайтларда Видя фақат дабдабали кийинган, бироз тўла ва сочи узун актриса сифатида танилган эди. Баланнинг фаолияти 2008 йилда, 29 ёшга тўлганида тўхтаб қолди. Унинг шахсий ҳаёти «Омад тумори» фильмидаги партнёри Шаҳид Капур билан ишқий муносабатлар ҳақидаги миш-мишлар остида қолди.
Кейинроқ актриса камдан-кам учрайдиган касалликка чалинган 12 ёшли боланинг онаси образини гавдалантирган «Ота» фильмида муносиб рол ўйнади. Бироқ ўша пайтда барча эътибор ота ва ўғил — Амитабҳ ва Абҳишек Баччан дуэтига қаратилди. Видя қандайдир тарзда бу шовқин ичида йўқолиб қолгандек эди. Унинг карераси тугаганга ўхшарди. Шунга қарамай, 30 ёшгача бўлган вақт актриса учун энг яхши ва муҳим йиллар бўлди. У 30 ёшга тўлганидан кейин фильмларда она образида чиқа бошлади.
Кейин мантиққа зид равишда, Видя Баланнинг карьераси осмонга кўтарилди. Катта танаффусдан кейин у 2010 йилда суратга олинган «Севгининг сабаби йўқ» комедиясида суратга тушди. Шундан сўнг танқидчилар томонидан эътироф этилган «Ҳеч ким Жессикани ўлдирмаган» триллерида пайдо бўлди.
Балан «Кир расм» фильмида суратга тушганидан кейин миллионлаб мухлисларнинг кумирига айланди. Актриса Силк Смитанинг ҳаётидан илҳомланиб суратга олинган ушбу биографик фильм учун Ҳиндистон президентининг миллий кино мукофотига сазовор бўлди.
«Ҳикоя» триллери унинг муваффақиятини шунчалик мустаҳкамладики, танқидчилар Болливуддаги Хонлар тугаганини жиддийлик билан ёзишди. Бош ролдаги Видя Балан иштирокидаги фильмлар кинотеатрларда кўплаб мухлисларни тўплади ва лойиҳалар томошабинларга ёқди. Видя Балан кино саноатининг белгиланган қоидаларини ўзгартирди.
У чиройли сценарийлар ва кучли актёрлик маҳорати туфайли қаҳрамонларни ижро этган актёрлар билан осонгина бир хил даражада туриши ва актёрлар сингари аншлагларни тўплаши мумкинлигини исботлади. Актриса ўзига хос бўлишга имкон берадиган ролларни танлади.
Видя Баланнинг шахсий ҳаёти ҳам 30 ёшдан кейин бошланди. У 2012 йилда икки марта оила қуриб ажрашган продюсер Сиддҳарт Рой Капурга турмушга чиқди. Видядан олдин продюсернинг иккита рафиқаси бўлган.
Сиддҳарт — машҳур продюсер, UTV студияларининг раҳбари ҳисобланади. Жуфтликнинг фарзанди йўқ, бироқ актриса интервьюларининг бирида фарзанд кўриш нияти борлигини айтган.
У табассум қилишда ва фильмларда рол ўйнашда давом этмоқда. Актриса 2022 йилда суратга олинган «Рақс» триллери учун «Йилнинг энг яхши актрисаси» мукофоти номинациясининг бир нечта категорияларини қўлга киритди.
У кўп ҳолладрда анъанавий ҳинд аёлига ўхшаб сочларини бўшатиб қўяди ва сари кияди, актриса 15 йил олдин ёш замонавий либосларда кийинганидан кўра чиройлироқ кўринади.
Мавзуга доир: Болливуд юлдузи Видя Балан ҳақида 10 қизиқарли факт (фото).
Изоҳ (0)