«Ливерпуль» собиқ футболчиси Стивен Жеррард Польша терма жамаосини бошқариши мумкин.
Meczyki хабарига кўра, Польша футбол иттифоқи октябрь ойида «Астон Вилла»дан истеъфога чиқарилган инглиз мутахассиси билан музокараларни бошлаган. Ташкилот бир неча кун олдин Жеррард билан боғланган ва ҳозирда мураббий ушбу таклиф ҳақида ўйламоқда.
Стивеннинг Польшага устозлик қилишига битта тўсиқ мавжуд бўлиши мумкин — унинг маоши. Мутахассиснинг «Астон Вилла» билан шартномаси давом этмоқда ва у 2024 йилга қадар йилига 5 миллион фунт маош олади. Агар Польша билан келишув имзолайдиган бўлса, инглиз клуби билан шартномани бекор қилишига тўғри келади.
Эслатиб ўтамиз, Польша футбол иттифоқи ЖЧ—2022 дан сўнг бош мураббий Чеслав Михневич билан шартномани узайтирмаган эди.
Мавзуга доир:
Изоҳ (0)