FFF Этика қўмитаси Зидан ҳақида кескин фикр билдирган федерация президентидан истеъфога чиқишни сўради

Франция футбол федерацияси (FFF) Этика қўмитаси ташкилот раҳбаридан истеъфо талаб қилди.

Аввалроқ FFF президенти Ноэл Ле Гре франциялик мутахассис Зинедин Зидан ҳақида кескин фикрлар айтган ва футбол жамоатчилигининг танқидларига сабаб бўлганди. Кейинчалик федерация раҳбари бу гаплари учун узр сўраганди.

«Биз президентни ўз лавозимидан воз кечишга ва истеъфо беришга чақирамиз.

Бизга кучли ва хотиржам бошқарув керак, афсуски, ҳозирда у мавжуд эмас. Биз бутун мавсум давомида мутасаддилар, айниқса лига президентларини этика қоидаларидан четга чиқмасликка чақирамиз.

Президентга келадиган бўлса, биз тартиб-интизом қўмитасига арз қила олмаймиз, шу боис ундан истеъфога чиқишни талаб қила оламиз, холос.

Бироқ биз футболга эмас, турли фактларга асосланган қандайдир совун кўпиги туфайли FFF’нинг молиявий ва спортга оид натижаларини барбод қилмоқчи эмасмиз», — дейди FFF Этика қўмитаси раҳбари Патрик Антон.

Мавзуга доир:

• «Афсонага ҳурматсизлик қилиш керак эмас». Мбаппе FFF раҳбарининг Зидан ҳақида гапларига реакция билдирди
• Франция спорт вазири FFF раҳбарининг Зидан ҳақида гаплари ҳақида: «Футбол афсонасига нисбатан шармандали ҳурматсизлик»