Саудия Арабистони устози Эрве Ренар Европанинг гранд терма жамоасида иш бошлаши мумкин

Бельгия футбол ассоциацияси мамлакат терма жамоасини бошқаришга даъвогар бўлганлар рўйхатини тузмоқда.

Ҳет Ниэуwсблад нашрининг хабар қилишича, ушбу лавозимга номзодлардан бири Саудия Арабистонини ЖЧ—2022 га олиб борган Эрве Ренар бўлиб турибди. Франциялик мутахассис саудияликлар билан амалдаги шартномаси бўлишига қарамай, ўз ишини ўзгартиришга тайёр.

Шунингдек, «Стандард» клуби вице-президенти лавозимида ишлаётган Мишел Прюдомм ҳам номзодлар қаторида.

Аввалги мураббий Роберто Мартинеснинг ассистенти ҳисобланган Тьерри Анрининг номзоди фаворитлар қаторида эмас. Шунингдек, франциялик мутахассис ўз номзодини илгари сурган ёки буни истамагани ҳам номаълум.

Ренар фаолияти давомида Замбия, Ангола, Кот-д’Ивуар ва Марокаш каби терма жамоаларни бошқарган. Европада эса «Драгинян», «Шербур», «Сошо» ҳамда «Лилл» каби клубларда ишлаган.