Шовот тумани ҳокими Одилбек Артиқов мактабда тизимдан узилган иситиш панелларини ушлаб кўргани акс этган сурат кенг муҳокамаларга сабаб бўлди. Ҳокимлик ҳолат юзасидан муносабат билдирди.
Қайд этилишича, 10 январь куни тунда туман ҳокими томонидан ижтимоий соҳа объектларида аномал совуқ шароитида иситиш тизимининг аҳволи бўйича ўрганиш ишлари олиб борилган.
Туманнинг чекка ҳудудида жойлашган 10-сон умумий ўрта таълим мактабининг иситиш тизимида муаммо мавжуд бўлиб, жорий йилнинг 8 январь куни тегишли ташкилотлар томонидан иситиш қозони қайта таъмирлаш учун олиб кетилган.
Совуқ ҳаво натижасида мактабнинг иситиш тизими ишдан чиқмаслиги учун иссиқлик узатиш панелларини сувдан тозалаш ишлари амалга оширилган. Туман ҳокими ушбу жараённи, яъни иссиқлик узатиш панеллари носоз ҳолатга келиб қолмаганини шахсан ўзи кўздан кечирган. Бу эса ижтимоий тармоқдаги кўплаб турли каналларда кенг ёритилиб, кузатувчилар муҳокамасига сабаб бўлган.
«Ҳозирда иситиш қозонларини ўрнатиш ишлари олиб борилмоқда. Ижтимоий тармоқ фойдаланувчиларидан туман ҳокимининг мактаб ўқувчиларининг сифатли таълим олишлари учун зарур шароит яратиш бўйича ҳаракатларини нотўғри тушуниб, ўзгача талқин қилмасликларини сўраймиз», — дейилади хабарда.
Изоҳ (1)
Об хаво нормал холатда булгани учун мактаблар очилгани аномал совукда нозарат ишлари олиб борилгани уялмай айтишади. Об хова яхшигина бахона буларга