АОКАда ўтказилган брифингда «Ҳунарманд» уюшмаси раисининг биринчи ўринбосари Қобил Жамолов 2022 йилдаги фаолият таҳлили юзасидан маълумот берди.
Қайд этилишича, ўтган йилда ҳунармандчиликни ривожлантириш дастури доирасида 91 534 та янги иш ўрни яратилган. Уларнинг 17 565 нафари уста ҳунарманд, 73 969 нафари шогирдлар ҳиссасига тўғри келади. Уларнинг 68 фоизи аёллар ҳисобига, 44 фоизи эса ёшлар ҳиссасига тўғри келди.
2023 йилда жами 41 мингта иш ўрни яратилади. Шундан уста-ҳунармандлар – 10,1 минг нафар, шогирдлар – 30,9 минг нафарни ташкил этади.
«Ҳунармандчиликни ривожлантириш дастури» доирасида тижорат банклари томонидан 580,7 миллиард сўм кредит ажратилган ҳолда жами 12 565 та ҳунармандчилик лойиҳаси амалга оширилади.
Изоҳ (0)