Футбол бўйича Испания Кубоги 1/16 финалидан ўрин олган қатор ўйинлар 4 январь, чоршанба куни бўлиб ўтди.
«Барселона» «Интерсити» билан баҳс олиб борди. Учрашувнинг асосий бўлимларида 3:3 ҳисобида қайд этилди. Каталонияликлар сафида Роналд Араухо, Усмон Дембеле ва Рафинья ўз ҳисобига гол ёздириб қўйган бўлса, «Интерсити» таркибида Ориол Солдевила ҳет-трик қайд этди.
Қўшимча бўлимларда эса «кўк-анорранглилар» яна ҳисобда олдинга чиқиб олди. 103-дақиқада Ансу Фати гол урди.
«Атлетико» эса «Реал Овиэдо»га қарши майдонга тушди ва 2:0 ҳисобида зафар қучди. «Матрасчилар» таркибида Маркос Льоренте ва Пабло Барриослар гол муаллифига айланди.
Испания Кубоги
1/16 финал баҳси
4 январь, чоршанба
«Интерсити» – «Барселона» 3:4
Голлар: 0:1 – 4 Араухо, 1:1 – 59 Солдевила, 1:2 – 66 Дембеле, 2:2 – 74 Солдевила, 2:3 – 77 Рафинья, 3:3 – 86 Солдевила, 3:4 – 103 Фати.«Интерсити»: Кампос, Жайме (Нсуэ, 82), Галвес (Ҳеррера, 46), Перез (Ангонг Эболо, 94), Мурриа Сориано, Кристо Ромеро, Солдевила, Мари, Ройхе (Коффи, 65), Белотти (Энеко Ундабаррена, 82), Пинан (Шеми, 67).
«Барселона»: Пеня, Бельерин (Алонсо, 83), Кунде, Араухо (Эрик Гарсия, 60), Альба, Бускетс, Кессиэ, Торре (Гави, 60), Депай (Фати, 74), Дембеле (Бальде, 105), Ферран Торрес (Рафинья, 61).
Огоҳлантириш: Торре (50).
Изоҳ (0)