Ўзбек шоу-бизнесида бир-бири билан қариндошлик ришталарини боғлаган ижодкорлар кўплаб топилади. Қуйида бир-бирига қариндош эканини кўпчилик билмайдиган машҳурлар ҳақида сўз юритамиз.
Хосият Ҳусанова ва Жаҳонгир Тешабоев
Ўзбекистонда хизмат кўрсатган артист Хосият Ҳусанова ёлғиз қизини ёш актёр Жаҳонгир Тешабоевга турмушга берган. Бу актёр томошабинларга «Қадам» сериалидаги салбий роли билан яхши таниш. Ҳозирда жуфтликнинг бир ёшли ўғиллари бор.
Зуҳра Ашурова ва Мадина Мухторова
Ўзбекистон халқ артисти Зуҳра Ашурова ҳамкасби Мадина Мухторовага келинойи ҳисобланади. Яъни Зуҳра Ашурованинг турмуш ўртоғи Қаҳрамон Ашуров Мадина Мухторованинг акасидир.
Азиза Бегматова ва Иззат Шукуров
Хонанда Иззат Шукуровнинг отаси бир пайтлар машҳур «Тож» гуруҳининг солисти бўлган Тожибой Шукуров экани барчага маълум. Аммо Иззат Шукуровнинг она томондан бувиси Ўзбекистон халқ артисти эканини кўпчилик билмаслиги аниқ. У ўзбекнинг чечаси бўлган актриса Азиза Бегматованинг суюкли набираларидан бири ҳисобланади.
Instagram’да миллионлаб кузатувчиларига эга блогер Камола Орипова актриса Зарина Низомиддинова билан холавачча ҳисобланади.
Ойбек Султонов ва Шаҳзод Султонов
Ёшларнинг севимли актёри бўлган Шаҳзод Султонов бир пайтлар «Зилола» қўшиғи билан танилган хонанда Ойбек Султоновнинг ўғли.
Исмоиловалар оиласи ва Бахтиёр Юсупов
Маҳмуд ва Шоҳида Исмоиловаларнинг уч нафар қизлари бор. Уларнинг куёвларидан бири Ўзбек Миллий академик драма театрининг актёри Бахтиёр Юсуповдир.
Жавлон Шодмонов ва Рашид
«Via Marokand» гуруҳи хонандаси Рашид продюсери Жавлон Шодмоновнинг қайнукаси бўлади. Гарчи Рашид ишда қариндош-уруғчиликка йўл қўйилмаслигини таъкидласа-да, унинг гуруҳга қабул қилиниши шунчаки тасодиф эмас.
Дониёр Ҳафизов ва Асал Зокирова
«Via Marokand»нинг яккахони Асал Зокирова эса актёр ва режиссёр Дониёр Ҳафизовнинг синглиси бўлади. Ёдингизда бўлса, бир неча йиллар аввал Дониёр Ҳафизов «Наво» гуруҳига асос солганди. Аммо гуруҳ фаолияти узоққа чўзилмаган.
Даврон Кабулов ва Жамшид Умаров
Даврон Кабулов «Афрўз» гуруҳи хонандаси Жамшид Умаровнинг божаси бўлади. Жамшид оиланинг тўнғич қизига, Даврон Кабулов эса кенжа қиз Эъзозахонга уйланган.
Аслиддин ва Хонзода Дўстова
«Актёр шоу» лойиҳасида муваффақиятли иштирок этган актриса ва модель Хонзода Дўстова ҳам санъаткорнинг фарзанди. Унинг отаси хонанда Аслиддин Дўстов ҳисобланади. Аммо ёш актриса негадир буни сир тутади.
Мунаввара Абдуллаева ва Дилдора Умарова
«Алпомиш» фильмидаги Ойбарчин роли билан томошабинларга таниш бўлган актриса Дилдора Умарова Ўзбекистонда хизмат кўрсатган ёшлар мураббийи Мунаввара Абдуллаеванинг қизи ҳисобланади. У актрисалик фаолиятидан ташқари, онаси сингари ёш истеъдод эгаларига сабоқ беради.
Диёр Бекжонов ва Жаҳонгир Хўжаев
«Аристократлар шоу»си билан томошабинларга яхши таниш бўлган Диёр Бекжонов дўсти Жаҳонгир Хўжаев билан муносабатларини янада мустаҳкамлаш мақсадида унинг холаваччаси билан оила қурган. Бундан аёнки, Бекжоновлар ва Асалхўжаевалар оиласи қудалар ҳисобланади.
Самандар ва Севара Ҳамроқулова
Самандар ва Искандар Ҳамроқуловларнинг ёлғиз синглиси Севара ҳам санъат соҳасида фаолият юритади. У айни кунда Ўзбекистон давлат сатира театрида фаолият юритади. Фильм ва сериалларда ҳам катта-кичик ролларни ижро этади.
Мавзуга доир:
- Юлдузларнинг ўзига икки томчи сувдек ўхшайдиган фарзандлари (фото)
- «Бунинг ҳаммасини укам ва хотини қиляпти». Бобомурод Ҳамдамовнинг қизи ота-онасини кўчада қолдираётгани ҳақидаги гап-сўзларга муносабат билдирди (видео)
- Мода саноатини ҳам забт этган машҳур шоу-бизнес вакиллари (фото)
- Муниса Ризаеванинг синглиси опасининг қайси қўшиқларини яхши кўришини айтди
Изоҳ (0)