Германия иқтисодиёт институти (IW) томонидан сўров ўтказилган 49 та мамлакат саноат бирлашмаларидан 39 таси жорий иқтисодий вазиятни бир йил аввалгидан ҳам ёмонроқ деб баҳолади. Бу ҳақда «РБК» хабар бермоқда.
30 ассоциация ҳам 2023 йилга келиб ишлаб чиқаришнинг қисқаришини кутмоқда. Фақат 13 нафари кейинги йилга оптимистик назарда.
«Бир йил олдин сўровда қатнашган бирлашмаларнинг ҳеч бири 2022 йилда ишлаб чиқаришнинг пасайишини кутмаган бўлса, жорий йилги сўровда 49 та уюшмадан 30 таси буни кутмоқда. Аксинча, оптимистик уюшмалар сони 39 тадан 13 тага камайди. Бешта ассоциация 2023 йилда ўтган йилги натижани сақлаб қолиш мумкинлигини тахмин қилмоқда», — дейилади тадқиқотда.
Бундай тахминлар газ танқислиги хавфи ва энергия нархлари билан боғлиқ. Иқтисодиётнинг аҳволи, асосан, энергияни кўп талаб қиладиган тармоқлар томонидан кўринади.
Хусусан, кимё ва металлургия саноати, шунингдек, қурилиш саноати вакиллари ишлаб чиқаришнинг сезиларли даражада пасайишидан хавотирда.
Шу билан бирга, сўров натижаларига кўра, кўпчилик ассоциациялар 2023 йилда инвестициялар ҳажми сақланиб қолишини кутмоқда ва ўз тармоқларида ишчи кучининг қисқаришини кутмайди.
Шундай қилиб, IW маълумотларига кўра, келгуси йилда меҳнат бозори «муҳим иқтисодий лангар»га айланиши мумкин.
Июнь ойи охирида Германия иқтисодиёт вазири ва вице-канцлер Роберт Хабек мамлакатда газ тақчиллиги юзага келган тақдирда иқтисодиётнинг айрим тармоқлари ишини тўхтатишга тўғри келишини истисно қилмаган.
Октябрь ойи охирида Европа газ инфратузилмаси операторлари ассоциацияси Европа газ омборлари 93,6 фоизга, шу жумладан Германияда 97,5 фоизга тўлганлигини маълум қилган. Бироқ Германияда қиш совуқ бўлса, бу ҳажм фақат икки ойга етади.
Мамлакат саноат иттифоқи (BDI) бош директори Танжа Гоннер ноябрь ойи охирида юқори энергия нархлари туфайли ҳар тўртта немис компанияси ишлаб чиқаришни бошқа мамлакатларга кўчиришини кўриб чиқмоқда.
Германия Бундестаги вице-спикери Вольфганг Кубики (ФДП) Германиянинг энергия инқирози туфайли банкрот давлатга айланиш хавфи борлигидан огоҳлантирган.
Изоҳ (0)