Germaniya iqtisodiyot instituti (IW) tomonidan so‘rov o‘tkazilgan 49 ta mamlakat sanoat birlashmalaridan 39 tasi joriy iqtisodiy vaziyatni bir yil avvalgidan ham yomonroq deb baholadi. Bu haqda “RBK” xabar bermoqda.
30 assotsiatsiya ham 2023-yilga kelib ishlab chiqarishning qisqarishini kutmoqda. Faqat 13 nafari keyingi yilga optimistik nazarda.
“Bir yil oldin so‘rovda qatnashgan birlashmalarning hech biri 2022-yilda ishlab chiqarishning pasayishini kutmagan bo‘lsa, joriy yilgi so‘rovda 49 ta uyushmadan 30 tasi buni kutmoqda. Aksincha, optimistik uyushmalar soni 39 tadan 13 taga kamaydi. Beshta assotsiatsiya 2023-yilda o‘tgan yilgi natijani saqlab qolish mumkinligini taxmin qilmoqda”, — deyiladi tadqiqotda.
Bunday taxminlar gaz tanqisligi xavfi va energiya narxlari bilan bog‘liq. Iqtisodiyotning ahvoli, asosan, energiyani ko‘p talab qiladigan tarmoqlar tomonidan ko‘rinadi.
Xususan, kimyo va metallurgiya sanoati, shuningdek, qurilish sanoati vakillari ishlab chiqarishning sezilarli darajada pasayishidan xavotirda.
Shu bilan birga, so‘rov natijalariga ko‘ra, ko‘pchilik assotsiatsiyalar 2023-yilda investitsiyalar hajmi saqlanib qolishini kutmoqda va o‘z tarmoqlarida ishchi kuchining qisqarishini kutmaydi.
Shunday qilib, IW ma’lumotlariga ko‘ra, kelgusi yilda mehnat bozori “muhim iqtisodiy langar”ga aylanishi mumkin.
Iyun oyi oxirida Germaniya iqtisodiyot vaziri va vitse-kansler Robert Xabek mamlakatda gaz taqchilligi yuzaga kelgan taqdirda iqtisodiyotning ayrim tarmoqlari ishini to‘xtatishga to‘g‘ri kelishini istisno qilmagan.
Oktabr oyi oxirida Yevropa gaz infratuzilmasi operatorlari assotsiatsiyasi Yevropa gaz omborlari 93,6 foizga, shu jumladan Germaniyada 97,5 foizga to‘lganligini ma’lum qilgan. Biroq Germaniyada qish sovuq bo‘lsa, bu hajm faqat ikki oyga yetadi.
Mamlakat sanoat ittifoqi (BDI) bosh direktori Tanja Gonner noyabr oyi oxirida yuqori energiya narxlari tufayli har to‘rtta nemis kompaniyasi ishlab chiqarishni boshqa mamlakatlarga ko‘chirishini ko‘rib chiqmoqda.
Germaniya Bundestagi vitse-spikeri Volfgang Kubiki (FDP) Germaniyaning energiya inqirozi tufayli bankrot davlatga aylanish xavfi borligidan ogohlantirgan.
Izoh (0)