Самарқанд вилоятининг Ургут туманида аёл ёш боласини шафқатсизларча калтаклаганди. Вилоят ИИБ матбуот хизмати унга нисбатан жиноят иши қўзғатилганини эълон қилди.
Маълум бўлишича, 24 декабрь куни Ургут тумани «Ватак» маҳалласида яшовчи аёл Г.О. Россияда ишлаш мақсадида кетган турмуш ўртоғи билан телефон орқали мулоқот қилиш жараёнида ўрталарида келиб чиққан ўзаро келишмовчиликдан сўнг, турмуш ўртоғига жаҳл қилиб, ўзининг вояга етмаган фарзандини уриб, ҳолатни телефонда видеотасвирга олиб, видеони турмуш ўртоғига юбориб, вояга етмаган фарзандларини ўлдириш билан қўрқитган.
Ҳолат юзасидан Ургут тумани ИИБ ҳузуридаги Тергов бўлими томонидан Г.О.га нисбатан Жиноят кодексининг 110-моддаси 2-қисми ва 112-моддаси 1-қисми билан жиноят иши қўзғатилган.
Ҳозирда жабрланувчининг аҳволи яхши бўлиб, шифокорлар кузатувида.
Жиноят иши вилоят ИИБ назоратига олинган.
Изоҳ (1)
Shunday ayolardi umirrbotka qamashkerak kerakbolsa oʻldirvorishkerak