Ижтимоий тармоқларда Тошкент шаҳри ИИББ ЙҲХБ сайти бузилгани ҳақидаги хабарлар тарқалмоқда. Ҳолат юзасидан Ички ишлар вазирлиги матбуот котиби расмий муносабат билдирди.
Таъкидланишича, мазкур маълумот ҳақиқатга мос келмайди. Ҳозирги кунда Тошкент шаҳри ИИББ ЙҲХБ сайти мавжуд эмас. 2018 йилда ушбу сайтни юритиш учун тест режимида платформа ишлаб чиқилган, лекин ўрнатилган талабларга, шу жумладан, хавфсизлик нормаларига жавоб бермагани учун сайт фаолияти тўхтатилган.
Ички ишлар вазирлиги барча расмий ресурсларининг хавфсизлиги тўлиқ таъминланган. Ижтимоий тармоқ фаолларидан асосланмаган хабарларни тарқатмасликларини сўраймиз, — дейилади баёнотда.Тарқалган хабарларда хакерлар жамоаси шаҳар ИИББ ЙҲХБ сайтига ҳужум уюштиргани, маълумотлар базасига киришнинг уддасидан чиқиб, 60 мингта жарима маълумотидан 27 мингтасини қўлга киритгани ва мингтадан ортиқ жаримани ўчириб юборгани айтилганди.
Изоҳ (0)