Россиянинг Санкт-Петербург шаҳри Кировский туманида ўзбекистонлик эркак ҳамюрти томонидан пичоқланиши оқибатида вафот этди. Бу ҳақда «47 Канал» хабар берди.
Ҳодиса 20 декабрь куни ярим тунда содир бўлган. Ҳуқуқ-тартибот идоралари ходимлари хусусий уйлардан бирининг ёнидан қонга беланган ўзбекистонлик эркак аниқланган. У пичоқдан олинган жароҳатдан воқеа жойида вафот этган. Полиция гумондорни қидиришни бошлаган ва уйдан унчалик узоқ бўлмаган жойда икки нафар мигрантни ушлаган.
Тергов маълумотига кўра, уч нафар муҳожир боғдорчилик вақтида спиртли ичимлик истеъмол қилган. Тўсатдан улар ўртасида жанжал келиб чиқиб, 36 ёшли ўзбекистонлик эркак ўзининг 41 ёшли ҳамюртининг белига пичоқ билан жароҳат етказган. Шундан сўнг у воқеа жойидан қочиб кетган. Воқеага 35 ёшли Ўзбекистон фуқароси гувоҳ бўлган.
Қотилликда гумонланган эркак маст ҳолатда бўлган топилган. Айни пайтда у изоляторга жойлаштирилган. Ҳозирда тергов ҳаракатлари олиб борилмоқда. Воқеа жойидан пичоқ ва учта уяли телефон мусодара қилинган.
Мавзуга доир:
Изоҳ (0)