Жаҳон чемпионлигини қўлга киритган Аргентина терма жамоаси сафида Испания чемпионати вакиллари кўпчиликни ташкил қилди.
Жанубий Америка вакиллари финалда Францияни пенальтилар сериясида мағлуб этиб (3:3, 4:2), чемпионга айланди.
Аргентина сафидаги ўн нафар футболчи Ла Лигадан: Херонимо Рули, Хуан Фойт (иккиси «Вильярреал»), Херман Песселя, Гидо Родригес (иккиси «Бетис»), Гонсало Монтиел, Маркос Акуня, Папу Гомес (барчаси «Севилья»), Науэл Molina, Родриго Де Пол, Анхель Корреа (барчаси «Атлетико»).
Беш футболчи Англия Премер Лигасидан: Эмилиано Мартинес («Астон Вилла»), Кристиан Ромеро («Тоттенҳэм»), Лисандро Мартинес («Манчестер Юнайтед»), Алексис Мак Аллистер («Брайтон»), Хулиан Альварес («Манчестер Сити»).
Италия А Сериясидан тўрт футболчи: Пауло Дибала («Рома»), Лаутаро Мартинес («Интер»), Анхель ди Мария, Леандро Паредес (иккиси «Ювентус»).
Франция ва Португалия чемпионатларидан икки нафардан футболчи: Николас Отаменди, Энсо Фернандес (иккиси «Бенфика»); Николас Тальяфико («Лион») ва Лионель Месси («ПСЖ»).
Германия Бундеслигаси (Эксекиэл Паласиос, «Байер») ва АҚШнинг MLS’идан (Тияго Алмада, «Атланта Юнайтед») бир нафардан. Шунингдек, Аргентина чемпионатидан ҳам бир нафар футболчи қайдномадан жой олган: Франко Армани («Ривер Плейт»).
Изоҳ (0)