Янги йилга уйни безатишда қўл келадиган ноодатий лайфхаклар

Уйингизда Янги йил арчаси, байрам ўйинчоқлари, гулчамбарлар бўлмаса ташвишланманг, уни ўзингиз осон ва оддий услубда яратишингиз мумкин. Lifehacker нашри Янги йил байрамида уйни безатиш бўйича энг яхши лайфхакларни тақдим этди.

Ғайриоддий Янги йил арчаси 

Уйда байрамона муҳит яратишнинг энг осон йўли — Янги йил арчасини безатиб қўйишдир. Агар ҳақиқий арчадан фойдаланишни истамасангиз ёки уни сотиб олишга вақтингиз бўлмаса, қўлингизда бор нарсалардан арча ясашга ҳаракат қилинг.

Дарахт шохларидан ясалган арча

Ушбу вариант табиий материалларнинг мухлислари учун идеал ҳисобланади. Шохлардан ясалган арча чиройли кўринади — уни денгиз ёки дарё қирғоғига ташланган енгил таёқчалардан ҳам тайёрлаш мумкин.

Арчани ясаш учун нималар керак?

• ҳар хил узунликдаги 5-7 жуфт новдалар
• темир арра
• қайчи
• гулчамбар ва бошқа безаклар

1. Шохлардан тугунларни кесиб олинг, агар керак бўлса, учларини арра билан кесинг. Ҳар бир таёқ кейингисидан 5-10 см узунроқ бўлиши керак. Шохларни текис юзага ёйиб, улар орасидаги тенг масофани қолдириб, узунлиги камайтирган ҳолатда териб чиқинг.
2. Энг узун таёқнинг четидан тахминан 5 см жой қолдириб ип билан мустаҳкам қилиб боғлаб чиқинг.
3. Арқонни кейинги таёққа ўтказинг ва бошқаларини ҳам худди шу тарзда боғланг. Энг қисқасига етгунча қадар новдаларни маҳкамлаб боғлаб чиқинг.
4. Тахминан 30-40 см ипни ўлчанг, буюмни осиб қўядиган ипни ҳосил қилинг, Уни стакан билан босиб кўринг.
5. Бошқа томондан энг қисқа таёқни боғланг. Шохларни боғлашда давом этинг, энг узунига қадар пастга тушинг. Ипни кесиб олинг. Янги йил арчасини гулчамбар, шар ёки лента билан безанг ва деворга осиб қўйинг.

Агар сизнинг катта кутубхонангиз бўлса, китоб коллекциянгизни ҳақиқий Янги йил арчасига айлантиринг. Арчани иш столингиз учун кичиқроқ шаклда ёки бир неча метр баландликда ясашингиз мумкин.

Арча ясаш учун нималар керак? 

• турли ўлчамдаги китоблар
• гулчамбар ёки безаклар

1. Бир нечта китобларни айлана шаклида кенг томонини ташқарига қаратиб жойлаштиринг. Четдан 1-2 см суриб қўйинг ва кейинги қатламни тепада шахмат тахтаси шаклида қўйинг, у биринчисидан бироз торроқ бўлиши керак. Доираларнинг диаметрини аста-секин камайтириб, қаторларни қўшишда давом этинг.
2. 3-4 та китобнинг охирги қатламида турли бурчакларда яна бир нечта жилдларни жойлаштиринг. Арчани гулчамбар ёки безаклар билан безатинг.

Кераксиз журналлардан чиройли кўринишга эга Янги йил арчасини тайёрлаш мумкин.

Керакли нарсалар:

• кераксиз журнал
• суюқ ва қуюқ клей

1. Журналнинг биринчи саҳифасининг бурчагига қаратиб қатланг. Натижада, тўғри учбурчак ҳосил бўлади.
2. Ҳосил бўлган учбурчакни ҳам ярмига қатланг ва текисланг.
3. Саҳифанинг пастки қисмида кичик бурчак ҳосил бўлади. Қатланган саҳифани айлантиринг. Худди шу тарзда, журналнинг барча кейинги варақларини қатланг.
4. Журнални тикка қилинг. Варақларни текисланг, биринчи ва охирги саҳифаларни бир-бирига ёпиштиринг.

Рангли қоғозлардан ясалган арча кичкина хоналар ёки болалар боғчаси учун мос келади. У жой эгалламайди, арчани уй ҳайвони ёки фарзандингиз йиқитиб юбормайди, сабаби у рангли қоғозлардан, деворга ёпиштирилиб ясалади.

Керакли нарсалар:

• 8-10 варақ икки томонлама рангли қоғоз
• қалам
• қайчи
• рангли скотч
• фиксатор елим, тиш пастаси ёки икки томонлама скотч
• ёрқин рангга эга қоғоз ёки фольга

1. Рангли қоғоздан турли ўлчамдаги доираларни кесиб олинг. Уларни ярмига эгиб, кейин текисланг. Энг кичик доираларни букламанг.
2. Қалам ёки скотч ёрдамида девордаги учбурчакнинг чегараларини белгиланг. Ҳар бир қатланган доиранинг ярмига елим ёки бир томчи тиш пастасини қўлланг, рангли қоғозларни чизиқдан ташқарига чиқармасдан деворга ёпиштиринг. Елим ўрнига икки томонлама ёки оддий скотчдан фойдаланишингиз мумкин.
3. Катта доиралар орасидаги бўшлиқларни кичик шакллар билан тўлдиринг. Ялтироқ қоғоздан юлдузчани кесиб олинг ва уни арчанинг тепасига ёпиштиринг.

Ушбу арчани ясашга унча кўп вақт сарфлаш шарт эмас. Безатишда ўзингизга ёққан рангли қоғозлардан фойдалансангиз ҳам бўлади.

Керакли нарсалар:

• қора ёки рангли қоғоз
• қайчи
• рангли қоғоз
• елим

1. 120-150 см узунликдаги скотчни кесиб олинг. Уни деворга вертикал равишда ёпиштиринг. 30-50 см узунликдаги бир нечта бўлакларни ўлчаб, уларни «магистрал»нинг ҳар икки томонига қўйинг. Шундан сўнг, 10-20 см узунликдаги бўлакларни кесиб олинг. Уларни шохларнинг ён томонларига ёпиштиринг.
2. Рангли қоғоздан доиралар ва юлдузларни кесиб олинг. Уларни арчага ёпиштиринг.

Янги йил гулчамбари билан уйларни безатиш мумкин. Уни дўкондан сотиб олмасдан ўзингиз қилишингиз мумкин. Бунинг учун мослашувчан пластмасса, ток, сим, сомон, кўпик, тўқимачилик иплари, қалин картон, гулли шимгич ва ҳатто бўш пластик бутилкалардан фойдалансангиз бўлади. Иложи борича гулчамбарни соддароқ услубда ясаш керак.

Тўплардан ясаладиган гулчамбар 

Ушбу гулчамбарни тагига бирор нарса қўймасдан, бир неча хил иплардан ясалган тўпларни бир-бирига ёпиштириб ясасангиз бўлади.

Керакли нарсалар:

• 30-40 та иплардан ясалган тўпчалар ёки стол тенниси тўплари
• турли рангдаги иплар
• ёпиштирувчи мослама, суперклей
• қайчи
• конуслар, кичик арча новдалари ва бошқа безаклар.

1. Ипнинг учини тўпга ёпиштиринг. Елим қуригунча кутинг. Бўшлиқлар бўлмаслиги учун ипни тўпнинг атрофига ўранг. Ипни кесиб олинг ва унинг учини тўпга ёпиштиринг. Қолган тўплар атрофига ҳам ипни ўранг.
2. Ҳалқа ҳосил қилиш учун тўпларни бир-бирига ёпиштиринг. Кичкина новдалар, конуслар ва бошқа безакларни гулчамбарга ёпиштиринг.

Бу гулчамбарнинг иссиқ варианти ҳисобланади. Эски аксессуардан фойдаланинг ва уни дидингизга қараб безатинг.

Керакли буюмлар: 

• гулчамбар учун асос
• узун шарф
• қистиргичлар
• сунъий новдалар ва гуллар.

1. 15-30 см узунликдаги шарфнинг учини таглик устига ташланг. Иккинчи учини олинг ва гулчамбарга ўранг. Гулчамбарда бўшлиқлар йўқлигига ишонч ҳосил қилинг, уни қистиргичлар билан маҳкамланг.
2. Шарфнинг икки учини бир-бирига боғлаб қўйинг. Тугунга сунъий новдаларни жойлаштиринг. Агар исцангиз уни ўзингиз ёққан бошқа ўйинчоқлар билан безатишингиз мумкин.

Ушбу гулчамбарни оила аъзоларингиз билан қилиш янада қизиқарли. Унга ҳар бир оила аъзоси ўз қўл изини қўйиб, безаши мумкин.

Керакли нарсалар: 

• 2-3 дона қоғоз
• қалам
• қайчи
• 10-15 дона яшил картон
• қаттиқ чўтка
• оқ гуаш
• гулчамбар учун картон асос
• елим
• бантиклар ва бошқа безаклар

Кафтингизни қоғозга қўйинг ва унинг шаклини қалам билан чизинг. Сўнгра шу шаклни қайчи билан кесиб олинг.

Шаблонни картон варағига қўйинг, уни айлантиринг ва кесиб олинг. Ушбу шакллардан 12-15 тасини ҳосил қилинг.

Қаттиқ чўтканинг учига озгина оқ гуаш суртинг. Изларнинг бир қисмига бўёқ суртинг.

Бир доира ичида, гулчамбар учун кафтларни пойдеворга ёпиштиринг. Юқори қисмига хоҳишингизга кўра бантиклар ва бошқа безакларни ёпиштиринг.

Мавзуга доир: 

• Янги йилга нима совға олиш керак: 6 та ҳамёнбоп, универсал ғоя (фото).
• Янги йил яқин: Уй шароитида ноодатий арча ясаш учун лайфхаклар (фото).
• Янги йил базмидан кейин озишга ёрдам берадиган парҳез режаси.
• Янги йил шукуҳини ўзида акс эттирган кўзни қувнатувчи ширинликлар.