Қалқонсимон без — бўйинда жойлашган бу кичик «капалак» организмдаги деярли барча муҳим жараёнларни назорат қилади. У ўз вазифаларини қанчалик яхши бажара олиши бақувват, тетик ва соғлом бўлиш билан боғлиқ. Афсуски, қалқонсимон безнинг фаолиятини бузиш жуда осон, шу жумладан энг зарарсиз одатлар ёрдамида, деб ёзади «Новий очаг».
Стрессга қарши курашмаслик
Стресс гормони — кортизол саломатликнинг ҳақиқий душманидир. Агар мунтазам ёки узоқ муддатли стресс юз берса, бу жада ҳам хавфлидир: чунки ваҳимага тушиш ва хотира бузилиши ривожланиши мумкин. Бундан ташқари, сурункали стрессга дучор бўлиш натижасида қандли диабет ривожланиши хавфини оширадиган тадқиқотлар мавжуд. Шунинг учун уни назорат остида ушлаб туриш ва хотиржам бўлиш йўлларини топишни ўрганиш жуда муҳимдир.
Ёғларни рациондан чиқариш
Соғлом моно тўйинмаган ёғлар организм учун зарурдир ва улар кундалик рационда бўлиши керак. Акс ҳолда, қалқонсимон без ишлаш учун етарли моддаларни ололмайди ва унинг соғлиғи хавф остида қолади. Ёғли балиқ, ёнғоқ, авокадо, зайтун ёғи, тухум, сут маҳсулотлари — буларнинг барчаси мунтазам равишда дастурхонда бўлиши керак.
Жуда кўп соя истеъмол қилиш
Соя соғлом маҳсулотдир ва меъёрда истеъмол қилиш соғлиқ учун жуда фойдали бўлиши мумкин. Аммо уни рационнинг асосий қисмига айлантирганлар гипотиреозни ривожлантиради, натижада қалқонсимон без етарли даражада гормонлар ишлаб чиқармайди. Гап шундаки, соя қалқонсимон безнинг нормал ишлаши учун зарур бўлган ёдни организмга сингдиришга имкон бермайдиган маҳсулот ҳисобланади. Шунинг учун уни кўп истеъмол қилиш тавсия этилмайди.
Карам, турп ва шолғом
Карам, турп, шолғом организм учун сурункали равишда етишмайдиган витамин ва клетчаткага бой жуда фойдали сабзавотлардир. Аммо ушбу сабзавотлардан жуда кўп истеъмол қилинса, соғлиқ хавф остида қолиши мумкин: тадқиқотлар бутгулдошлар оиласига мансуб сабзавотларни ҳаддан ташқари кўп истеъмол қилиш ва бўқоқ ривожланиши ўртасидаги боғлиқликни тасдиқлади. Бу сабзавотларда кўп бўлган глюкозинолатлар билан боғлиқ ва улар касалликнинг ривожланишини қўзғатиши мумкин.
Чекиш
Тамаки қалқонсимон без гормонларини ишлаб чиқаришни оширади ва гипертиреозга олиб келиши мумкин. Бундан ташқари, тамаки тутуни таркибидаги заҳарли моддалар ёднинг нормал сўрилишига халақит беради, бу ҳам охир-оқибат қалқонсимон без касалликларига олиб келади.
Енгил углеводлар истеъмол қилиш
Юқори гликемик индексли маҳсулотлар — ширинлик, тез тайёрланадиган макарон ва гуруч организмнинг ёдни сингдириш қобилиятига таъсир қилади. Ушбу элементнинг етишмаслиги қалқонсимон безнинг ҳолатига ёмон таъсир қилади ва турли касалликларнинг ривожланишига олиб келиши мумкин. Шунинг учун, мураккабларининг ҳисобига енгил углеводлардан воз кечиш тавсия этилади: бу вазнга ҳам, соғлиққа ҳам фойда келтиради.
Изоҳ (0)