ФИФА Аргентина терма жамоасига нисбатан интизомий иш очди.
Mundo Deportivo нашрининг хабарига кўра, Аргентина футбол ассоциацияга қарши иш Лионель Месси («Даражаси тўғри келмайдиган ҳакамни ўйинга тайинламаслик керак» дегани учун) ва дарвозабон Эмилиано Мартинес (ҳакамни ЖЧ—2022 ҳакамлари ичида энг ёмони деб атагани учун) Нидерландияга қарши ўйин бош ҳаками Матеу Лаос шаънига номақбул сўзларни ишлатгани учун очилган.
Шунингдек, ўйин вақтида содир бўлган воқеалар ҳам кўриб чиқилади. Гап спортчига хос бўлмаган хатти-ҳаракатлар ҳақида кетмоқда — хавбек Леандро Паредес атайлаб рақиб захира ўриндиғи томон тўпни тепиб юборди, шундан сўнг футболчилар ўртасида жанжал келиб чиқди, ҳимоячи Николас Отаменди ва яна бир нечта футболчи пенальтилар сериясидан сўнг Нидерландия терма жамоаси ёнидан ўтаётганда уларни масхара қилиб кетган.
Ушбу иш бўйича қарор яқин орада эълон қилинади. Аргентина терма жамоаси 13 декабрь, сешанба куни ЖЧ—2022 ярим финалида Хорватияга қарши майдонга тушади.
Изоҳ (0)