Аргентина ҳужумчиси Лионель Месси Нидерландияга қарши баҳс бош ҳаками Матеу Лаосни танқид қилди.
Ҳакам Антонио Матеу Лаос ЖЧ—2022 чорак финалида 15 та сариқ карточка кўрсатди ва мундиал рекордини ўрнатди. Мессидан ташқари Аргентинанинг яна 7 нафар футболчиси сариқ карточка олди.
«Ғазаб жуда кўп, менимча, ҳаммаси бундай тугамаслиги керак эди. Ҳакам ҳақида гапиришни истамайман. Агар холис бўла олмасанг, бунинг учун сени жазолашади.
Ўйин вақти биз учун даҳшатли ўтди, чунки унинг кимлигини билардим. ФИФА вазиятни кўриб чиқиши лозим. Даражаси тўғри келмайдиган ҳакамни ўйинга қўйиш керак эмас», — дейди Месси.
Аргентина ва Нидерландия баҳсининг асосий бўлимларида 2:2 ҳисоби қайд этилди. Қўшимча бўлимларда эса дарвозалар ишғол этилмади. Пенальтилар сериясида аргентиналикларнинг қўли баланд келди.
Изоҳ (0)