Бугун,

  • USD 11095.31
  • RUB 173.84
  • EUR 10772.44

Фарғона вилояти Ички ишлар бошқармаси матбуот хизмати вилоятдаги саноат корхоналаридан газ узиб қўйилиши оқибатида 10 минглаб аҳоли ишсиз қолаётгани, улар газ улаб берилишини сўраб, кўчага чиқишаётгани айтилган видеохабар юзасидан ўрганиш ўтказди ва ҳолат аслида қандай бўлганига ойдинлик киритди.

Фото: Видеодан кадр

Фото: Видеодан кадр

Ушбу видеомурожаатда Ўзбекистон тумани, «Шўрсув» МФЙдаги «Шўрсув» саноат зонасида жойлашган Albus гипс ишлаб чиқарувчи завод табиий газдан узилгани сабабли заводда ишловчи ишчилар видеомурожаат орқали ўз эътирозларини билдирган.

Республика бўйлаб ҳаво ҳароратининг пасайиши ва энергия тақчиллиги объектив ҳолати келиб чиққанлиги муносабати билан саноат корхоналарига газ етказиб бериш қатъий чекланган. Ушбу чоралар қаторида «Шўрсув» шаҳарчасидаги Albus Cement Group заводидан ташқари, мазкур ҳудуддаги «Турон Эко Цемент», «Турон ПФК», «Шаффофцемент саноат», «Қурулиш ашё Сифат» МЧЖларга қарашли ишлаб чиқариш корхоналарига ҳам Вазирлар Маҳкамасининг тегишли баённомасига асосан 27 ноябрь куни табиий газ тармоғидан муҳрлаш йўли орқали узилган. Газни узиш юзасидан асослар мазкур завод ва газ етказиб берувчи корхона ўртасида тузилган шартномада ҳам кўрсатилган.

Маълум бўлишича, 29 ноябрь куни туман газ идораси масъул ходимлари томонидан Albus заводига уланган газ тармоғи текширилганда, ушбу завод ўзбошимчалик билан қайтадан газ тармоғига ноқонуний уланиб олгани аниқланган ва далолатнома тузилиб, газ қувуридан яна бир бор кесиб қўйилган.

Юзага келган объектив мураккаб шароитни тўғри тушунган ҳолда Albus Cement Group’дан ташқари бошқа юқоридаги корхоналар муқобил ёқилғи (кўмир)га ўтган. Шундай бўлса-да, газ етказиб беришдаги объектив ҳолатдан завод директори, бошқарувчиларнинг ҳам тўлиқ хабари бўлиб туриб, 6 декабрь куни завод иш юритувчиси А.Т. ва 20 га яқин ишчи завод фаолияти тўхтаганлигидан норозилигини билдириш учун олдиндан қилинган режа ва таклиф қилинган учинчи шахслар иштирокида намойиш ташкиллаштирилган.

Ушбу намойишда ходимлар келишувга кўра атайин эҳтиросли сўзлар, чалғитувчи гаплар ва кескинлик ёрдамида, шунингдек, ҳақиқатга тўғри келмайдиган ахборотлар орқали ўз мурожаатларини етказишган ва видеомурожаат олдиндан ушбу ҳолатни тасвирга олишга таклиф қилинган инсонлар иштирокида Telegram’даги «Олимжон Ҳайдаров» каналида эълон қилинган.

Ҳолат юзасидан заводнинг етти нафар ишчисига нисбатан Маъмурий жавобгарлик тўғрисидаги кодекснинг 183, 201-моддалари билан ҳужжатлар расмийлаштирилиб, судга берилган. Жиноят ишлари бўйича Ўзбекистон туман суди 7 декабрь куни ҳуқуқбузарларнинг бир нафарига 10 сутка, олти нафарига 5 суткадан маъмурий қамоқ жазоси тайинлаган.

Шунингдек, тарқатилган видеода ва унга берилган изоҳларда бошқа заводларда газ ўчирилмагани, бу масалага мансабдор шахсларнинг алоқаси борлиги ва 10 минглаб ишчилар ишсиз қолаётгани важи келтириб, ноаниқ ва ҳақиқатга мос бўлмаган ахборот ҳам тарқатилган. Жумладан, «Шўрсув» ҳудудидаги Knauf корхонасининг табиий гази узилмагани айтиб ўтилган, лекин ҳақиқатда Knauf корхонаси 29 ноябрдан бошлаб табиий газ олмаётганини газ корхоналари тасдиқлаган.

Бундан ташқари, Albus Cement Group табиий газдан узилиши оқибатида 10 мингга яқин ишчилар ишсиз қолгани юзасидан келтирилган важлари асоссиз бўлиб, ушбу корхонада 241 та ишчи ходимлар ишлаши аниқланган. Яъни, мазкур ахборотларни атайин асосий мурожаатга аралаштириш орқали, видеотасвир аудиториясини кенгайтириш ва давлат органларини обрўсизлантириш мақсад қилинган.

Маъмурий жавобгарлик тўғрисидаги кодекснинг 202-2-моддасига асосан жамоат тартибига ёки хавфсизлигига таҳдид солувчи ёлғон ахборотни тарқатиш, шу жумладан, оммавий ахборот воситаларида, телекоммуникация тармоқларида ёки Интернет жаҳон ахборот тармоғида тарқатиш базавий ҳисоблаш миқдорининг эллик бараваридан юз бараваригача миқдорда жарима солишга сабаб бўлади. Ушбу йўналишдаги ҳаракатларга аниқлик киритиш ва таҳлил қилиш ишлари давом этмоқда.

Мавзуга доир:

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
“Ўтган йил давомида ички ишлар ходимлари билан боғлиқ 644 та салбий видео тарқалган” — Шоҳрух Ғиёсов