Украинадаги низо 2023 йилга келиб якунланиши мумкин, дея тахмин қилди Украина президенти Владимир Зеленский Politico нашрига қаратилган видеомурожаатида. Видеоёзув газета сайтида эълон қилинди. У Европанинг шу йилги энг таъсири кучли шахслари рейтингида етакчилик қилди.
«Ишонаманки, украиналиклар келаси йилда ҳам энг таъсири кучли бўлади, лекин у пайтда аллақачон тинч замон келган бўлади», — деди Зеленский.
У Украина қуролли кучларини «биринчи рақамли» деб атади ва «бизга барқарорликни сақлаб туришда ёрдам бераётган, бу даҳшатли даврни бошдан кечиришда миллионлаб одамларга кўмаклашаётган европалик дўстларимизнинг барчасига» миннатдорлик билдирди.
Politico қайд этишича, Украина ва Россия ўртасида муносабатлар аввал ҳам кескин бўлган, бироқ Европа кўп нарса қилмаган, «бу сафар ҳаммаси бошқача бўлишига» сабаб эса Зеленскийдир.
Politico Зеленскийни йилнинг энг нуфузли (таъсири кучли) одами деб атади, чунки у Европани Украина билан биргаликдаги келажакка, шу жумладан, Евроиттифоққа аъзолик борасида, ишонтира олди. Нашр қайд этишича, бу «Украинадаги ҳар қандай ички муаммолар» — коррупция, кучсиз иқтисодиёт, украин тилида ва рус тилида сўзлашувчи аҳоли ўртасидаги «ижтимоий келишмовчиликлар» фонида юз бермоқда, дея қайд этди нашр.
Изоҳ (0)