Ukrainadagi nizo 2023-yilga kelib yakunlanishi mumkin, deya taxmin qildi Ukraina prezidenti Vladimir Zelenskiy Politico nashriga qaratilgan videomurojaatida. Videoyozuv gazeta saytida e’lon qilindi. U Yevropaning shu yilgi eng ta’siri kuchli shaxslari reytingida yetakchilik qildi.
“Ishonamanki, ukrainaliklar kelasi yilda ham eng ta’siri kuchli bo‘ladi, lekin u paytda allaqachon tinch zamon kelgan bo‘ladi”, — dedi Zelenskiy.
U Ukraina qurolli kuchlarini “birinchi raqamli” deb atadi va “bizga barqarorlikni saqlab turishda yordam berayotgan, bu dahshatli davrni boshdan kechirishda millionlab odamlarga ko‘maklashayotgan yevropalik do‘stlarimizning barchasiga” minnatdorlik bildirdi.
Politico qayd etishicha, Ukraina va Rossiya o‘rtasida munosabatlar avval ham keskin bo‘lgan, biroq Yevropa ko‘p narsa qilmagan, “bu safar hammasi boshqacha bo‘lishiga” sabab esa Zelenskiydir.
Politico Zelenskiyni yilning eng nufuzli (ta’siri kuchli) odami deb atadi, chunki u Yevropani Ukraina bilan birgalikdagi kelajakka, shu jumladan, Yevroittifoqqa a’zolik borasida, ishontira oldi. Nashr qayd etishicha, bu “Ukrainadagi har qanday ichki muammolar” — korrupsiya, kuchsiz iqtisodiyot, ukrain tilida va rus tilida so‘zlashuvchi aholi o‘rtasidagi “ijtimoiy kelishmovchiliklar” fonida yuz bermoqda, deya qayd etdi nashr.
Izoh (0)