Бугун,

  • USD 11095.31
  • RUB 173.84
  • EUR 10772.44

Уй-жой коммунал хизмат кўрсатиш вазирлиги мамлакатда газ босимнинг пасайиши ёки электр таъминотидаги узилишлар иссиқлик тизимига бевосита таъсир кўрсатаётганини маълум қилди.

Фото: «Дарё» / Мадина Нурман

Фото: «Дарё» / Мадина Нурман

Таъкидланишича, сўнгги кунларда ҳудудларда электр таъминотида узилишлар ёки газ босимининг пастлиги кузатилмоқда. Бу ҳолат иситиш сифатига ҳам таъсир қилмай қолмаган. Бугунги кунда вазирлик тизимидаги қозонхоналар жами 495 тани ташкил қилади. 492 таси мавжуд имкониятлардан фойдаланган ҳолда иш фаолиятини давом эттирмоқда.

Тошкент, Хоразм ва Фарғона вилоятларида жойлашган 21 та қозонхонада газ босимининг меъёрида бўлмагани боис истеъмолчилар белгиланган параметрлардан паст кўрсаткичда иссиқ сув ва иссиқлик энергияси билан таъминланишига сабаб бўлмоқда. Газ босими меъёрида бўлмагани туфайли 3 та қозонхонани вақтинча ўчиришга тўғри келган.

Маълумот учун, газ босимининг етарли эмаслиги қозонхоналарнинг автоматик тарзда ўчишига сабаб бўлади.Бу ҳолатда иссиқлик таъминоти учун масъул ташкилотлар вазиятни яхшилаш ва фавқулодда ҳолатларнинг олдини олиш учун ўзаро ҳамкорликда ишламоқда.

Мутахассислар муаммоли ҳудудларни аниқлаш учун жойларга бориб, иссиқлик энергиясини қайта тақсимлаш бўйича ишларни мувофиқлаштириб бормоқда.

Тошкент шаҳри борасида айтилса, пойтахтда ҳам иссиқлик энергияси «Тошкент иссиқлик маркази», «Тошкент ИЭС» ва Veolia Energy Tashkent’нинг маҳаллий қозонхоналарида табиий газдан фойдаланган ҳолда ишлаб чиқарилади. Пойтахтнинг Иссиқлик маркази-3, 5 ва 9 қозонхоналари фаолиятида ҳам юқоридаги ҳолат кузатилмоқда. Ушбу иссиқлик марказларидан Шайхонтоҳур, Чилонзор ва Учтепа туманлари аҳолиси ва ижтимоий объектларига иссиқлик энергияси етказиб берилади.

Мавзуга доир:

Изоҳ
Асосий янгиликлар
Дунё
Туркия ва Суриядаги зилзила нега ҳалокатли оқибатларга олиб келди?
Маҳаллий
“Қардошларимизга ҳамдардмиз”. Ўзбек жамоатчилиги Туркиядаги зилзилага муносабат билдирди
Дунё
Туркия ва Суриядаги кучли зилзила: Вайроналар остидан одамлар қидирилмоқда — фоторепортаж