Бугун,

  • USD 11095.31
  • RUB 173.84
  • EUR 10772.44

Тошкент вилояти Бўстонлиқ туманидаги «Лингвист» спорт соғломлаштириш оромгоҳи сотилди. Бу ҳақда E-auksion портали маълум қилди.

Фото: E-auksion

Фото: E-auksion

Лот аукционга Давлат активларини бошқариш агентлигининг Тошкент вилоят ҳудудий бошқармаси томонидан жойлаштирилган эди.

Ер участкасининг умумий майдони — 2,40 гектар. Бинонинг майдони — 400,88 квадрат метр.

Оромгоҳда сув, электр таъминоти мавжуд бўлса-да, газ ва канализация тизими йўлга қўйилмаган.

Лот изоҳида ёзилишича, оромгоҳни сотиб олган шахс туристик хизмат кўрсатиш мажмуасини қуриш, ҳудудда камида 3 юлдузли тоифадаги 50 хонали меҳмонхона фаолиятини ташкил этиш мажбуриятини олади. Инвестиция мажбуриятларини бажариш муддати эса 24 ой этиб белгиланган.

Аукционга қўйилган масканнинг бошланғич баҳоси 3,05 млрд сўм эди. 5 декабрь куни бўлиб ўтган савдода у 5,03 млрд сўмга сотилди.

Аукцион ғолиби сифатида Хожиакбар Абдулхакимов кўрсатилган. Ҳозирда у «Малга логистиcс» корхонасининг раҳбари ҳисобланади.

Аввалроқ Тошкентдаги спорт маркази 30 млрд сўмга аукционга қўйилгани ҳақида хабар берилганди.

Изоҳ
Асосий янгиликлар
Дунё
Путин йўқотишларга қарамай, баҳорда Украинага қарши янги ҳужумни режалаштирмоқда — Bloomberg
Маҳаллий
Ўзбекистонда чиқинди газидан электр ишлаб чиқариш йўлга қўйилади 
Маҳаллий
Ошаётган нарх-наво, муаммоли кредитлар, баҳсли статистика ва комиссияли олтин қуймалар – Марказий банк раиси Мамаризо Нурмуродов билан савол-жавоб