Бугун,

  • USD 11095.31
  • RUB 173.84
  • EUR 10772.44

Ўзбекистонда қаҳратон қиш бошланди ва доимгидек электр ва газ муаммоси кун тартибига чиқди. Аксарият вилоят ва шаҳарларда қорли об-ҳаво ҳукмрон. «Ўзгидромет» бундай совуқ ҳаво 10 декабргача давом этишини хабар қилди. Республиканинг деярли барча ҳудудларида электр ва газ узилишлари сони кескин ортган. «Дарё» ижтимоий тармоқлар фаолларининг мазкур масалада ёзган фикрларини жамлади.

Фото: Интернет

Фото: Интернет

«Ҳукумат қишга тайёр эмас»

«Давлетовуз» Telegram-каналида энергетика инқирози сабабчиларини жавобгарликка тортиш масаласига урғу берилган.

Ҳукумат қишга тайёр эмас, бугунги энергетика инқирозини бартараф эта олмайди. Буни тушундик. Хўш, яқин ва узоқ истиқбол учун қанақа режалари бор? Янги вазир лавозимга тайинланганидан бери халққа изоҳ бергани йўқ, қорасини ҳам кўрсатмайди. Бир-иккита жойда каска кийиб, расмга тушишдан бошқасига ярамайдиганга ўхшайди.

Ҳамма нарсанинг сабаби бор. Сабабчиси бор. Бугунги энергия инқирозининг сабабчилари бор. Уларнинг исми, фамилияси бор. Беш-олти йил олдин баралла гапирганлар, лавозимдаги қарорлари билан шу кунга олиб келганлар қани? Балки уларнинг жавобгарлиги масаласини кўриб чиқармиз? Халқ билсин қаҳрамонларини.

«Давлетовуз» канали. 

«Сўроқ вақти келди»

Иқтисодчи Отабек Бакиров газ учун солиқлар уч баробарга камайтирилганига қарамай, уни қазиб олиш нега камайиб бораётганини сўроқ остига олди.

2022 йил 1 январдан бошлаб, «Ўзбекнефтегаз»дан бошқа барча газ қазиб олиш компаниялари учун солиқлар 30 фоиздан 10 фоизгача камайтирилган эди. Яна, шунингдек, уларга газ конлари бўйича мол-мулк солиғидан озод қилиш билан боғлиқ имтиёзлар ҳам тақдим этилган.

Ўшандаёқ бу имтиёзлар асло наф бермаслиги, энергетика соҳасида солиқ имтиёзлари бўйича эластиклик мавжуд эмаслиги ҳақида, мазкур зарарли лобби охир-оқибатда фақат ўғрилик ва манипуляцияларга асосланган тизимни бутунлай издан чиқариши ҳақида айтган эдик.

Энди сўрайдиган вақт келди: «Лукойл» қанча имтиёз олди, газ ишлаб чиқаришни қанчага оширди?

«Газпром Узбекистан» қанча имтиёз олди, газ ишлаб чиқаришни қанчага оширди?

Epsilon қанча имтиёз олди ва газ ишлаб чиқариш қанчага ошди?

Uz-Kor Gas

Surhan Gas

Natural Gas ...

Қани, жавоб беринглар. Ўзлаштиришни билган, ҳисоб беришни ҳам билиши керак. Балки прокуратура сабаб ва оқибатларни ўрганадиган вақт келгандир. Кимдир жавоб бериши, кимдир қусиши керак.

Отабек Бакиров, иқтисодчи.

«Олий Мажлис биносини газдан узиш керак»

Ҳуқуқшунос Ҳамид Содиқ Telegram’даги каналида парламент биносини иссиқлик таъминотидан узишни таклиф қилди.

Олий Мажлис биносига газ ва иссиқлик беришни тўхтатиш керак, – деб ёзди у.
«100 сўмга ишлаб чиқариб 25 сўмга соцанг»

Депутат Алишер Қодиров эса муаммо илдизи электр ва газни ишлаб чиқариш қимматлиги ва сотиш нархи арзонлигида экани ҳақида ёзди.

100 сўмга ишлаб чиқариб, 101 сўмга сотасан, қаноат билан 1 сўм даромадга рози бўласан. Шу 1 сўм ҳам 1 миллиардга айланади. 990 миллионини бозорни ушлаб туриш учун тармоқларни таъмирлашга сарф қиласан. 100 сўмга ишлаб чиқариб, 25 сўмга соцанг, 75 сўмини қарздан қоплаб, тармоқни 3-4 йилда бир марта бюджетдан орттира оладиган пулга таъмирласанг… қиш совуқ, қор ва депутатлар, уларга боғлиқ бўлмаса ҳам, одамларга қора кўринаверади.
«Мулоқот керак»

Блогер Нозим Сафаров бундай вазиятда ҳукумат халқ билан фаол мулоқотда бўлиши зарурлиги ҳақида фикр билдирди.

2022 йилнинг 5 декабрь куни пойтахтда ҳам, вилоятларда ҳам совуқ об-ҳаво ҳукмрон бўлган, қўшимчасига, газ ва свет муаммо бўлиб, пойтахт аҳолиси ҳам уйини исита олмай турган бир вақтда оддийгина мулоқот йўқ-ку. Энди яқин ва узоқ истиқболдаги режалар ҳақида гапириладими, тавба.

Блекаут вақтида ҳукумат ва халқ орасидаги мулоқот қандай бўлганини барча кўрди. Бир куннинг ўзида кўп иш қилинди. Бундан кўриндики, истаса, ҳамма нарсанинг иложи бор.

Бугунги кунларда ҳам фақат ва фақат мулоқот керак. Қанақа иш кетяпти ҳозир, ким нима қиляпти ўзи, энергетика вазири қаерда, нима қилиб юрибди, деган саволларга жавоб бўлиши керак.

Нозим Сафаров, блогер

Эслатиб ўтамиз, 2022 йил 9 ноябрдан бошлаб Ўзбекистон энерготизимида оғир оқибатли «авария» – блекаут хавфи юзага келгани ҳақида хабарлар тарқалганди. Бундан аввал Энергетика вазирлиги электр ва газ таъминотидаги муаммоларни тўғри тушунишга чақирган.

Изоҳ

Тимур Рахимов

05.12.2022, 16:31

саводларингни оширинг дарёдагилар. Ц харфини фаркига бормайсизларми дейман.

Асосий янгиликлар
Дунё
Туркия ва Суриядаги зилзила нега ҳалокатли оқибатларга олиб келди?
Маҳаллий
“Қардошларимизга ҳамдардмиз”. Ўзбек жамоатчилиги Туркиядаги зилзилага муносабат билдирди
Дунё
Туркия ва Суриядаги кучли зилзила: Вайроналар остидан одамлар қидирилмоқда — фоторепортаж