Bugun,

  • USD 11095.31
  • RUB 173.84
  • EUR 10772.44

O‘zbekistonda qahraton qish boshlandi va doimgidek elektr va gaz muammosi kun tartibiga chiqdi. Aksariyat viloyat va shaharlarda qorli ob-havo hukmron. “O‘zgidromet” bunday sovuq havo 10-dekabrgacha davom etishini xabar qildi. Respublikaning deyarli barcha hududlarida elektr va gaz uzilishlari soni keskin ortgan. “Daryo” ijtimoiy tarmoqlar faollarining mazkur masalada yozgan fikrlarini jamladi.

Foto: Internet

Foto: Internet

“Hukumat qishga tayyor emas”

“Davletovuz” Telegram-kanalida energetika inqirozi sababchilarini javobgarlikka tortish masalasiga urg‘u berilgan.

Hukumat qishga tayyor emas, bugungi energetika inqirozini bartaraf eta olmaydi. Buni tushundik. Xo‘sh, yaqin va uzoq istiqbol uchun qanaqa rejalari bor? Yangi vazir lavozimga tayinlanganidan beri xalqqa izoh bergani yo‘q, qorasini ham ko‘rsatmaydi. Bir-ikkita joyda kaska kiyib, rasmga tushishdan boshqasiga yaramaydiganga o‘xshaydi.

Hamma narsaning sababi bor. Sababchisi bor. Bugungi energiya inqirozining sababchilari bor. Ularning ismi, familiyasi bor. Besh-olti yil oldin baralla gapirganlar, lavozimdagi qarorlari bilan shu kunga olib kelganlar qani? Balki ularning javobgarligi masalasini ko‘rib chiqarmiz? Xalq bilsin qahramonlarini.

“Davletovuz” kanali. 

 

“So‘roq vaqti keldi”

Iqtisodchi Otabek Bakirov gaz uchun soliqlar uch barobarga kamaytirilganiga qaramay, uni qazib olish nega kamayib borayotganini so‘roq ostiga oldi.

2022-yil 1-yanvardan boshlab, “O‘zbekneftegaz”dan boshqa barcha gaz qazib olish kompaniyalari uchun soliqlar 30 foizdan 10 foizgacha kamaytirilgan edi. Yana, shuningdek, ularga gaz konlari bo‘yicha mol-mulk solig‘idan ozod qilish bilan bog‘liq imtiyozlar ham taqdim etilgan.

O‘shandayoq bu imtiyozlar aslo naf bermasligi, energetika sohasida soliq imtiyozlari bo‘yicha elastiklik mavjud emasligi haqida, mazkur zararli lobbi oxir-oqibatda faqat o‘g‘rilik va manipulyatsiyalarga asoslangan tizimni butunlay izdan chiqarishi haqida aytgan edik.

Endi so‘raydigan vaqt keldi: “Lukoyl” qancha imtiyoz oldi, gaz ishlab chiqarishni qanchaga oshirdi?

“Gazprom Uzbekistan” qancha imtiyoz oldi, gaz ishlab chiqarishni qanchaga oshirdi?

Epsilon qancha imtiyoz oldi va gaz ishlab chiqarish qanchaga oshdi?

Uz-Kor Gas

Surhan Gas

Natural Gas ...

Qani, javob beringlar. O‘zlashtirishni bilgan, hisob berishni ham bilishi kerak. Balki prokuratura sabab va oqibatlarni o‘rganadigan vaqt kelgandir. Kimdir javob berishi, kimdir qusishi kerak.

Otabek Bakirov, iqtisodchi.

 

“Oliy Majlis binosini gazdan uzish kerak”

Huquqshunos Hamid Sodiq Telegram’dagi kanalida parlament binosini issiqlik ta’minotidan uzishni taklif qildi.

Oliy Majlis binosiga gaz va issiqlik berishni to‘xtatish kerak, – deb yozdi u.
 

“100 so‘mga ishlab chiqarib 25 so‘mga sotsang”

Deputat Alisher Qodirov esa muammo ildizi elektr va gazni ishlab chiqarish qimmatligi va sotish narxi arzonligida ekani haqida yozdi.

100 so‘mga ishlab chiqarib, 101 so‘mga sotasan, qanoat bilan 1 so‘m daromadga rozi bo‘lasan. Shu 1 so‘m ham 1 milliardga aylanadi. 990 millionini bozorni ushlab turish uchun tarmoqlarni ta’mirlashga sarf qilasan. 100 so‘mga ishlab chiqarib, 25 so‘mga sotsang, 75 so‘mini qarzdan qoplab, tarmoqni 3-4 yilda bir marta budjetdan orttira oladigan pulga ta’mirlasang… qish sovuq, qor va deputatlar, ularga bog‘liq bo‘lmasa ham, odamlarga qora ko‘rinaveradi.
 

“Muloqot kerak”

Bloger Nozim Safarov bunday vaziyatda hukumat xalq bilan faol muloqotda bo‘lishi zarurligi haqida fikr bildirdi.

2022-yilning 5-dekabr kuni poytaxtda ham, viloyatlarda ham sovuq ob-havo hukmron bo‘lgan, qo‘shimchasiga, gaz va svet muammo bo‘lib, poytaxt aholisi ham uyini isita olmay turgan bir vaqtda oddiygina muloqot yo‘q-ku. Endi yaqin va uzoq istiqboldagi rejalar haqida gapiriladimi, tavba.

Blekaut vaqtida hukumat va xalq orasidagi muloqot qanday bo‘lganini barcha ko‘rdi. Bir kunning o‘zida ko‘p ish qilindi. Bundan ko‘rindiki, istasa, hamma narsaning iloji bor.

Bugungi kunlarda ham faqat va faqat muloqot kerak. Qanaqa ish ketyapti hozir, kim nima qilyapti o‘zi, energetika vaziri qayerda, nima qilib yuribdi, degan savollarga javob bo‘lishi kerak.

Nozim Safarov, bloger

 

Eslatib o‘tamiz, 2022-yil 9-noyabrdan boshlab O‘zbekiston energotizimida og‘ir oqibatli “avariya” – blekaut xavfi yuzaga kelgani haqida xabarlar tarqalgandi. Bundan avval Energetika vazirligi elektr va gaz ta’minotidagi muammolarni to‘g‘ri tushunishga chaqirgan.

Izoh

Тимур Рахимов

05.12.2022, 16:31

саводларингни оширинг дарёдагилар. Ц харфини фаркига бормайсизларми дейман.

Asosiy yangiliklar
Mahalliy
O‘zbekiston SSV ro‘zadorlarga sog‘lom ovqatlanish bo‘yicha tavsiyalar berdi
Mahalliy
O‘zbekistonda bir kunda ikkinchi zilzila qayd etildi
Shou-biznes
G‘ulomjon Yoqubovning sozandasiga turmushga chiqqan, 32 yoshida “xalq artisti”ga aylangan Gulsanam Mamazoitova 42 yoshda