Футбол бўйича ЖЧ—2022 3-турида G гуруҳининг икки ўйини 2 декабрь, жума куни бўлиб ўтди.
Бразилия терма жамоаси Камерун билан баҳс олиб борди. Учрашувнинг асосий дақиқаларида дарвозалар дахлсизлиги сақланиб қолди. Ҳакам қўшиб берган дақиқаларда Венсан Абубакар ҳисобни очди. Абубакар голни нишонлаш учун либосини ечди ва иккинчи сариқ карточкасини олди. Қолган дақиқаларда Камерун бир киши кам бўлиб ҳаракат қилди.
Гуруҳнинг иккинчи ўйинида Швейцария Сербияга қарши майдонга тушди ва 3:2 ҳисобида ғалаба қозонди. Швейцария сафида Жердан Шакири, Брил Эмболо, Ремо Фройлер гол муаллифларига айланди. Сербия таркибида эса Александр Митрович ва Душан Влаҳович ўз ҳисобига гол ёздириб қўйди.
Шу тариқа Бразилия 7 очко билан 1-ўринни эгаллади. Швейцария 6 очко билан 2-поғонани банд этди. Камерун ва Сербия терма жамоалари мусобақани тарк этди.
ЖЧ—2022
3-тур баҳси
2 декабрь, жума
Камерун — Бразилия 1:0
Гол: 1:0 – 90+2 Абубакар.Камерун: Эпасси, Фе, Эбосс, Ву, Толо, Кунде (Нтчам, 68), Замбо-Ангисса, Нгамале (Нгом-Мбекели, 86), Шупо-Мотинг, Абубакар, Мбемо (Токо-Экамби, 64).
Бразилия: Эдерсон, Дани Алвес, Милитао, Бремер, Теллес (Маркиньос, 54), Фред (Бруно Гимараэс, 55), Фабиньо, Габриэль Жезус (Педро, 64), Родриго (Эвертон Рибейро, 55), Мартинелли, Антони (Рафинъя, 79).
Огоҳлантиришлар: Толо (6), Милитао (7), Кунде (28), Фе (32), Абубакар (81), Бруно Гимараэс (85).
Четлатиш: Абубакар (90).
Сербия — Швейцария 2:3
Голлар: 0:1 – 20 Шакири, 1:1 – 26 Митрович, 2:1 – 35 Влаҳович, 2:2 – 44 Эмболо, 2:3 – 48 Фройлер.Сербия: Милинкович-Савич, Велкович (Гудел, 55), Миленкович, Павлович, Костич, Милинкович-Савич (Максимович, 67), Лукич, Живкович (Радонич, 78), Тадич (Журичич, 78), Митрович, Влаҳович (Йович, 55).
Швейцария: Кобел, Видмер, Шер, Аканжи, Родригес, Окафор, Шакири (Закария, 69), Жака, Фройлер, Соу (Фернандеш, 68), Варгас (Фасснахт, 83), Эмболо.
Огоҳлантиришлар: Видмер (15), Варгас (34), Милинкович-Савич (47), Павлович (56), Райкович (66), Гудел (81), Митрович (82), Жака (90), Миленкович (90).
Изоҳ (0)