Фазлиддин Ғоибназаров Тошкентда ўтган бокс оқшомида енгилмас Жамшид Каримовни мағлуб этди

Профессионал боксда фаолиятини давом эттираётган Фазлиддин Ғоибназаров (11-1, 6 КО) 2 декабрь, жума куни Тошкентда ўтган бокс оқшомида жанг қилди.

Мусобақанинг асосий жангида Ғоибназаровга Жамшид Каримов (10-1, 7 КО) рақиб бўлди.

Ўзбекистонлик боксчилар иштирокидаги жанг тўлиқ 10 раунд давом этди. Ғоибназаров кўплаб раундларни ўз фойдасига ҳал қилишга эришди. Якун ҳакамлар бир овоздан Фазлиддиннинг ғалабасини қайд этди — 99-91, 96-94, 99-91.

Қолган жангларда қуйидаги натижалар қайд этилди:

• Ованнес Бачков (Арманистон) муддатидан аввал Маркос Гонсалес Барразани (Мексика) таслим этди;
• Жоно Керрол (Ирландия) очколар эвазига Жеймс Чережини (Руминия) мағлубиятга учратди;
• Мужибулло Турсунов (Ўзбекистон) техник нокаут эвазига Шоҳрух Кенжаевни (Ўзбекистон) мағлуб этди;
• Нурим Дилшад (Қозоғистон) очколар эвазига Фаррух Арслоновни (Ўзбекистон) ютди;
• Ион Костин (Руминия) техника нокаут билан Александр Ионитани (Руминия) мағлуб этди;
• Ислом Мўминов (Ўзбекистон) 1-раундда Асилбек Ваҳобовни (Ўзбекистон) нокаутга учратди;
• Анвар Туропов (Ўзбекистон) очколар ҳисобига Асан Маҳмудовни (Қозоғистон) ютди;
• Суҳроб Қаюмов (Ўзбекистон) техник нокаут эвазига Довуд Маҳкамовдан (Тожикистон) устун келди;
• Берекет Таиров (Қозоғистон) техник нокаут билан Жакипбек уулу Жаркинбекни (Қирғизистон) енгди.