Futbol bo‘yicha JCH—2022 3-turida G guruhining ikki o‘yini 2-dekabr, juma kuni bo‘lib o‘tdi.
Braziliya terma jamoasi Kamerun bilan bahs olib bordi. Uchrashuvning asosiy daqiqalarida darvozalar daxlsizligi saqlanib qoldi. Hakam qo‘shib bergan daqiqalarda Vensan Abubakar hisobni ochdi. Abubakar golni nishonlash uchun libosini yechdi va ikkinchi sariq kartochkasini oldi. Qolgan daqiqalarda Kamerun bir kishi kam bo‘lib harakat qildi.
Guruhning ikkinchi o‘yinida Shveysariya Serbiyaga qarshi maydonga tushdi va 3:2 hisobida g‘alaba qozondi. Shveysariya safida Jerdan Shakiri, Bril Embolo, Remo Froyler gol mualliflariga aylandi. Serbiya tarkibida esa Aleksandr Mitrovich va Dushan Vlahovich o‘z hisobiga gol yozdirib qo‘ydi.
Shu tariqa Braziliya 7 ochko bilan 1-o‘rinni egalladi. Shveysariya 6 ochko bilan 2-pog‘onani band etdi. Kamerun va Serbiya terma jamoalari musobaqani tark etdi.
JCH—2022
3-tur bahsi
2-dekabr, juma
Kamerun — Braziliya 1:0
Gol: 1:0 – 90+2 Abubakar.Kamerun: Epassi, Fe, Eboss, Vu, Tolo, Kunde (Ntcham, 68), Zambo-Angissa, Ngamale (Ngom-Mbekeli, 86), Shupo-Moting, Abubakar, Mbemo (Toko-Ekambi, 64).
Braziliya: Ederson, Dani Alves, Militao, Bremer, Telles (Markinyos, 54), Fred (Bruno Gimaraes, 55), Fabinyo, Gabriel Jezus (Pedro, 64), Rodrigo (Everton Ribeyro, 55), Martinelli, Antoni (Rafin'ya, 79).
Ogohlantirishlar: Tolo (6), Militao (7), Kunde (28), Fe (32), Abubakar (81), Bruno Gimaraes (85).
Chetlatish: Abubakar (90).
Serbiya — Shveysariya 2:3
Gollar: 0:1 – 20 Shakiri, 1:1 – 26 Mitrovich, 2:1 – 35 Vlahovich, 2:2 – 44 Embolo, 2:3 – 48 Froyler.Serbiya: Milinkovich-Savich, Velkovich (Gudel, 55), Milenkovich, Pavlovich, Kostich, Milinkovich-Savich (Maksimovich, 67), Lukich, Jivkovich (Radonich, 78), Tadich (Jurichich, 78), Mitrovich, Vlahovich (Yovich, 55).
Shveysariya: Kobel, Vidmer, Sher, Akanji, Rodriges, Okafor, Shakiri (Zakariya, 69), Jaka, Froyler, Sou (Fernandesh, 68), Vargas (Fassnaxt, 83), Embolo.
Ogohlantirishlar: Vidmer (15), Vargas (34), Milinkovich-Savich (47), Pavlovich (56), Raykovich (66), Gudel (81), Mitrovich (82), Jaka (90), Milenkovich (90).
Izoh (0)