Бугун,

  • USD 11095.31
  • RUB 173.84
  • EUR 10772.44

Эндиликда Twitter тасдиқлаш белги (верификация)ларининг ранги фарқланади. Бу ҳақда ижтимоий тармоқ эгаси Илон Маскка таяниб «ТАСС» хабар бермоқда.

Фото: News Tech

Фото: News Tech

Илон Маскка кўра, верификация белгисининг ранги фойдаланувчи турига боғлиқ бўлади.

Компаниялар учун тилларанг, ҳукумат вакиллари учун кул ранг, жисмоний шахслар учун (машҳурлар) кўк рангли белгилар бўлади, — дейилади постда.

Маскнинг таъкидлашича, белгини фаоллаштиришдан олдин аккаунтлар аутентификация қилинади. Янги текшириш схемаси 2 декабрда ишга туширилиши кутилмоқда.

Аввалроқ ижтимоий тармоққа эгалик қилувчи Илон Маск: «Илтимос, шуни назарда тутингки, Twitter яқин ойларда кўп тентакона нарсаларни қилади. Биз ишлайдиган нарсани қолдириб, ишламайдиган нарсаларни ўзгартирамиз», — деб ёзганди.

Илон Маск октябрь охирида Twitter’ни 44 миллиард долларга сотиб олиш бўйича битимни ёпди. Ёзда у олди-сотди битимидан бош тортишга уринган эди, бироқ суд уни ижтимоий тармоқни сотиб олишга мажбур қилди. Шундай воқеалар фонида Макснинг бойлиги апрелдан буён 70 миллиард долларга пасайиб кетди.

Ижтимоий тармоқни сотиб олганидан кейин Маск компания ходимларининг ярмини, шу жумладан, бош директор Параг Агравални, молия директори Нед Сегални, бош ҳуқуқшунос Вижаю Гаддени ва бошқа бир қатор топ-менежерларни ишдан бўшатди.

Bloomberg маълумотларига кўра, Маскнинг янги жамоасидаги икки раҳбар ходим — Ёэл Рот ва Робин Уилер истеъфо берган. Аввалроқ эса Twitter’нинг ахборот хавфсизлиги бўлими бошлиғи Леа Кисснер ҳам ишдан бўшаб кетганди.

Илон Маскнинг ўзи эса ходимларига юборган биринчи мурожаатида компания банкрот бўлиши мумкинлигини билдирган.

Маск верификация белгиси (кўк «галочка») учун тўлов жорий этилиши ҳақида шу ой бошидаёқ эълон қилганди. Бу аввалроқ уни бепул қўлга киритган таниқли шахслар ва компаниялар профилларига ҳам тегишли бўлади.

Изоҳ
Асосий янгиликлар
Дунё
Британия ҳукумати “Вагнер”ни террорчи ташкилот деб эълон қилмоқчи — The Telegraph
Дунё
АҚШда хавфли моддаларни олиб кетаётган юк поезди релсдан чиқиб кетди (видео)
Маҳаллий
Ўзбекистонда келаётган ҳафта бошида қандай об-ҳаво бўлади?