25 ноябрь куни ташқи ишлар вазири Владимир Норов Россия Федерациясининг Ўзбекистондаги фавқулодда ва мухтор элчиси Олег Малгиновни қабул қилди. Бу ҳақда ТИВ ахборот хизмати хабар қилди.
Қайд этилишича, учрашув давомида Ўзбекистон—Россия стратегик шериклик муносабатларининг долзарб жиҳатлари муҳокама қилинган.
Халқаро ва минтақавий институтлар доирасидаги томонларнинг ўзаро ҳамкорлиги юзасидан фикр алмашилган.
Турли даражалардаги келгуси тадбирлар жадвали ва уларнинг кун тартиби кўриб чиқилган.
Иқтисодий дипломатияни жадаллаштириш, шу жумладан, товар айирбошлаш кўрсаткичларини ошириш, инвестицияларни жалб қилиш, савдо, энергетика, саноат, металлургия, қишлоқ хўжалиги, транспорт, инфратузилма, банк-молия сектори ва бошқа соҳалардаги қўшма лойиҳаларни амалга оширишга алоҳида эътибор қаратилган.
Учрашув давомида Владимир Норов Олег Малгиновга миллатлараро дўстлик ва тотувлик муҳитини мустаҳкамлашга қўшган ҳиссаси учун «Халқлар дўстлиги» кўкрак нишонини топширган.
Изоҳ (0)