25-noyabr kuni tashqi ishlar vaziri Vladimir Norov Rossiya Federatsiyasining O‘zbekistondagi favqulodda va muxtor elchisi Oleg Malginovni qabul qildi. Bu haqda TIV axborot xizmati xabar qildi.
Qayd etilishicha, uchrashuv davomida O‘zbekiston—Rossiya strategik sheriklik munosabatlarining dolzarb jihatlari muhokama qilingan.
Xalqaro va mintaqaviy institutlar doirasidagi tomonlarning o‘zaro hamkorligi yuzasidan fikr almashilgan.
Turli darajalardagi kelgusi tadbirlar jadvali va ularning kun tartibi ko‘rib chiqilgan.
Iqtisodiy diplomatiyani jadallashtirish, shu jumladan, tovar ayirboshlash ko‘rsatkichlarini oshirish, investitsiyalarni jalb qilish, savdo, energetika, sanoat, metallurgiya, qishloq xo‘jaligi, transport, infratuzilma, bank-moliya sektori va boshqa sohalardagi qo‘shma loyihalarni amalga oshirishga alohida e’tibor qaratilgan.
Uchrashuv davomida Vladimir Norov Oleg Malginovga millatlararo do‘stlik va totuvlik muhitini mustahkamlashga qo‘shgan hissasi uchun “Xalqlar do‘stligi” ko‘krak nishonini topshirgan.
Izoh (0)