Кремль Россия нефтини унга нарх чегарасини жорий қилган мамлакатларга сотишни тақиқлайди
Россия президенти маъмурияти Россия нефтини сотиб олган россиялик компаниялар ва трейдерларга уни нарх чегарасини жорий қилган мамлакатлар ва компанияларга сотишни тақиқловчи фармон тайёрламоқда. Бу ҳақда манбага таяниб, Bloomberg хабар бермоқда.
Агентлик манбасига кўра, Россия нефти ёки нефть маҳсулотлари учун шартномаларда маржинал нарх ҳақида ҳар қандай эслатма тақиқланади. Шунингдек, Россия ҳукумати нархларнинг юқори чегарасини сақлайдиган ҳар қандай мамлакатга нефть жўнатишни тақиқлайди.
Кремль ҳозирча тахмин қилинаётган фармон ҳақидаги маълумотга расман изоҳ бермади. Россия президенти Владимир Путин мамлакат нархларини чеклайдиган мамлакатларга энергия ресурсларини етказиб бермаслиги ҳақида очиқчасига огоҳлантирган эди.
Европа Иттифоқи санкцияларининг саккизинчи пакети доирасида 5 декабрдан Россия нефтига, 5 февралдан эса нефть маҳсулотларига чекловлар жорий этилиши режалаштирилган.
АҚШ ғазначилиги нархни бир баррель учун тахминан 40-60 доллар қилиб белгилашни таклиф қилди. Польша ва Болтиқбўйи давлатлари 30 долларлик нархни талаб қилмоқда. Европа Иттифоқи мамлакатлари ўртасидаги келишмовчиликлар туфайли ҳали нарх оралиғи бўйича келишув амалга оширилмади.
Мавзуга доир:
- Европа Иттифоқи Россия нефть нархига чегара қўйиш бўйича келиша олмади — Reuters
- Европа Иттифоқи Россия нефтининг юқори нарх чегарасини 65-70 доллар қилиб белгилайди — Bloomberg
