Футбол бўйича Ўзбекистон Суперлигасининг 2023 йилги мавсумига ўтиш ўйинида «Турон» ва «Локомотив» жамоалари ўзаро тўқнаш келди.
Учрашувнинг 12-дақиқасида Ҳумоюн Муртозаев яйпанликларни олдинга олиб чиқди. Бунга «темир йўлчилар» 37-дақиқада Санжар Қодирқуловнинг аниқ зарбаси билан жавоб қайтарди. 76-дақиқада Сардор Абдунабиев «Турон»га ғалаба келтирган гол муаллифига айланди.
Шу тариқа ушбу ғалаба эвазига «Турон» Суперлига 2023 йилги мавсуми йўлланмасига эга чиқди. «Локомотив» эса келаси мавсумни Про-Лигада ўтказади.
2022 йилги мавсум якунларига кўра «Локомотив» Суперлигада 12-ўринни қўлга киритган, «Турон» эса Про-Лигада учинчи бўлганди.
Аввалроқ «Андижон» ва «Бухоро» Суперлигага тўғридан-тўғри йўлланмани қўлга киритганди. «Динамо» ҳамда «Қўқон-1912» Про-Лигага равона бўлган.
Суперлига, ўтиш ўйини
25 ноябрь, жума
«Турон» — «Локомотив» 2:1
Голлар: 1:0 – 12 Муртозаев, 1:1 – 37 Қодирқулов, 2:1 – 76 Абдунабиев.«Турон»: 12.Акмал Турсунбоев, 2.Абдулазизхон Абдурашидов, 5.Марлен Чобанов, 9.Азиз Ибрагимов (20.Жасурбек Ўринов, 68), 10.Ҳумоюн Муртозаев (11.Рустамхон Азимов, 81), 18.Абдуғани Камолов, 19.Сардор Абдураимов (89.Сергей Морозов, 88), 21.Аъзам Алиев, 22.Ғолибжон Сарибоев, 30.Сардор Абдунабиев, 55.Хушнудбек Авилов.
«Локомотив»: 13.Рустам Нортожиев, 3.Исломжон Қобилов (с), 8.Нурмуҳаммад Тошпўлатов, 14.Хуршид Мухторов, 17.Санжар Қодирқулов, 19.Этаме Жероме, 20.Жалолиддин Жумабоев, 22.Манучеҳр Сафаров, 25.Мўминжон Мелиев (18.Али Абдураҳмонов, 77), 27.Ислом Рашидхонов (34.Анвар Алижонов, 77), 98.Маъруф Жумаев (10.Жасур Жалолиддинов, 61).
Огоҳлантиришлар: Жумаев (42), Жумабоев (57), Қодирқулов (68).
Изоҳ (0)