Тошкент вилоятида 1,5 килограмм марихуана гиёҳвандлик моддасини сотишга уринган шахс қўлга олинди. Бу ҳақда Ички ишлар вазирлиги Тезкор-қидирув департаменти хабар берди.
Қайд этилишича, 23 ноябрь куни Ички ишлар вазирлиги Жиноят-қидирув хизмати Гиёҳвандлик ва психотроп моддаларнинг ноқонуний муомаласига қарши курашиш бошқармаси ҳамда Тошкент вилояти Ички ишлар бош бошқармаси Тезкор-қидирув хизмати Жиноят-қидирув бўлими тезкор ходимлари билан ҳамкорликда тезкор-қидирув тадбири ўтказилган.
Натижада Янгийўл тумани «Миришкор» маҳалласида яшовчи, 1996 йилда туғилган фуқаро А.Х. шу туманнинг «Халқобод» маҳалласи ҳудудида махсус харидорга вазни тахминан 1,5 кг марихуана гиёҳвандлик воситасини 5 минг доллар эвазига сотаётган вақтида қўлга олинди.
Мазкур ҳолат юзасидан фуқаро А.Х.га нисбатан Жиноят кодексининг 273-моддаси (гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш) 5-қисми билан жиноят иши қўзғатилган.
Мавзуга доир: Тошкент вилоятида фуқаронинг уйидан 17 кг марихуана топилди (фото)
Изоҳ (0)