Бухорода фуқаронинг шахсий фото ва видеоларини тарқатиш билан қўрқитиб, ундан 4 минг доллар олган шахс ушланди

Бухоро вилоятида фуқарони ижтимоий тармоқларда обрўсизлантирмоқчи бўлган шахс ушланди. Бу ҳақда Иқтисодий жиноятларга қарши курашиш департаменти ахборот хизмати хабар берди.

Бош прокуратура ҳузуридаги департамент ҳамда ИИВнинг Бухоро вилояти бошқармалари томонидан тезкор тадбир ўтказилган. Унда фуқаро З.Х. (муқаддам судланган) бошқа бир фуқаро А.Ж.нинг қадр-қиммати ва обрўсига путур етказиши мумкин бўлган видео ва фотосуратларини интернетда тарқатиб юбориш билан қўрқитиб, эвазига ундан 4 минг долларни олган вақтида ашёвий далиллар билан ушланган.

Мазкур ҳолат юзасидан Жиноят кодексининг 165-моддаси (товламачилик) билан жиноят иши қўзғатилиб, тергов ҳаракатлари ўтказилмоқда.

Мавзуга доир:

• Жиззахда фуқаронинг шахсий фотосуратларини интернетда тарқатиш билан қўрқитиб, ундан пул талаб қилган аёл ушланди
• Фарғонада фуқаронинг шахсий фото ва видеоларини тарқатмаслик учун 2 минг доллар сўраган аёл ушланди
• Андижонда аёлларнинг интим суратлари ва видеосини интернетда тарқатиш билан қўрқитиб, улардан пул ундириб келган шахс 5 йилга озодликдан маҳрум қилинди