Эстония давлат канцелярияси қошидаги ишчи гуруҳ мамлакатдаги 322 та совет ёдгорлигидан 244 тасини бузиб ташлаш ёки алмаштиришни тавсия қилди, деб ёзмоқда Meduza.
Яна 74 та совет ёдгорлиги нейтрал деб тан олинган. Ишчи гуруҳ материалларига кўра, шунингдек, тўртта ёдгорлик қўшимча муҳокамаларни талаб қилмоқда.
Ишчи гуруҳ аъзолари Сааремаа оролидаги Таҳумарди ёдгорлиги ва яқин атрофдаги оммавий қабрни, шунга ўхшаш бир қанча совет ёдгорликларини сақлаб қолишни тавсия қилди.
Ишчи гуруҳи экспертизадан ўтказилган 322 та объектдан 213 таси ҳарбий қабр ва ёдгорликлардан, 96 таси эса мемориаллардан иборат эканини маълум қилди.
Август ойида Эстония ҳукумати Россия билан чегарадаги Нарва шаҳридан совет ёдгорлиги — Иккинчи жаҳон урушидаги ғалабанинг 25 йиллиги муносабати билан ўрнатилган Т-34 танкини олиб ташлаган эди. Т-34 нинг кўчирилишига бир қанча аҳоли ва Нарва мери қаршилик кўрсатган.
Изоҳ (0)